________________
नन्दनमुन्याराधिता आराधना
2679. स निष्कलङ्गं श्रामण्यं चरित्वा मूलतोऽपि हि ।
आयुःपर्यन्तसमये व्यधादाराधनामिति ॥१॥ 2680. ज्ञानाचारोऽष्टधा प्रोक्तो यः काल-विनयादिकः ।
तत्र मे कोऽप्यतीचारो योऽभून्निन्दामि तं त्रिधा ॥२॥ 2681. यः प्रोक्तो दर्शनाचारोऽष्टधा निःशङ्कितादिकः ।
तत्र मे योऽतिचारोऽभूत् त्रिधाऽपि व्युत्सृजामि तम् ॥३॥ 2682. या कृता प्राणिनां हिंसा सूक्ष्मा वा बादराऽपि वा ।
मोहाद् वा लोभतो वाऽपि व्युत्सृजामि त्रिधाऽपि ताम् ॥ ४॥ 2683. हास्य-भी-क्रोध-लोभायैर्यन्मृषा भाषितं मया ।
तत् सर्वमपि निन्दामि प्रायश्चित्तं चरामि च ॥५॥ 2684. अल्पं भूरि च यत् क्वाऽपि परद्रव्यमदत्तकम् ।
आत्तं रागादथ द्वेषात् तत् सर्व व्युत्सृजाम्यहम् ॥६॥ 2685. तैरश्चं मानुषं दिव्यं मैथुनं मयका पुरा ।
यत् कृतं त्रिविधेनापि त्रिविधं व्युत्सृजामि तत् ॥ ७॥ 2686. बहुधा यो धन-धान्य-पश्वादीनां परिग्रहः ।
लोभदोषान्मयाऽकारि व्युत्सृजामि त्रिधाऽपि तम् ॥ ८॥ १. स्य-भी-लोभ-क्रोधाद्यै त्रिषष्टिशलाकापुरुषचरितदशमपर्वप्रथमसर्गे श्लो० २३४ ।।
२४०
Jain Education International
For Private & Personal Use Only
www.jainelibrary.org
