________________
२२६
सिरिअभयदेवसूरिपणीयं 2539. जं किंचि कयमकजं न हु तं लब्भा पुणो समायरि।
तस्स पडिक्कमियव्वं, न हु तं हिययम्मि वोढव्वं ॥ २० ॥ 2540. नाणम्मि दंसणम्मि य चरणम्मि तवम्मि तह य विरियम्मि ।
जे सेविय अइयारा आलोएज्जा तए सम्मं ॥२१॥ 2541. जे ताव संभरेज्जा अइयारा ते तहेव आलोए।
जे पुण न संभरेज्जा ओहेणं ते समालोए ॥ २२॥ तं जहा2542. काले१ विणए२ बहुमाणे३ उवहाणे४ तहा अनिन्हवणे५ ।
वंजण६ अत्थ७ तदुभए८ सुयनाणविराहणं निंदे ॥ २३॥ 2543. पंचविहस्स वि नाणस्स सव्वभावप्पईवकप्पस्स ।
नाणधराण व भववाहिविउडणे वेज्जतुल्लाणं ॥२४॥ 2544. नाणोवयारयाणं पोत्थयपभिईण जं कयं दु8 ।
तमहं आलोएत्ता पायच्छित्तं पवजामि ॥२५॥ 2545. निस्संकिय१ निकंखिय२ निन्वितिगिच्छा३ अमूढदिट्ठी४ य ।
उववूह५ थिरीकरणे६ वच्छल७ पभावणे८ अट्ठ ॥ २६ ॥ 2546. दंसणआयारेसुं एएसुं जं न वट्टियं सुदु ।
दंसणपयासएसु य जिण-जिणहर-साहुमाईसु ॥२७॥ 2547. जिण-सिद्धायरियाणं वायग-साहूण साहुणीणं च ।
चेइय-सावय-सड्ढीपभिईणाऽऽसायणं वियडे ॥ २८॥ 2548. तह सयलसमणसंघस्स भगवओ गुणनिहीण वरनिहिणो।
जं विहियमणुचियं मे तस्स पवज्जामि पच्छित्तं ॥ २९ ॥ 2549. समिई-गुत्तिसरूवे मूलगुण-उत्तरगुणोहरूवे वा।
चरणम्मि अणुचियं मे जं जायं तं पि वियडेमि ॥३०॥ 2550. पाणिवह-मुसावाए अदत्त मेहुण-परिग्गहवएसु ।
मूलगुणेसु तहुत्तरगुणेसु पिंडेसणाईसु ॥ ३१ ॥ 2551. अहवा दिसिव्वयाइसु गुणवय-सिक्खावएसु जं किं पि।
अवरद्धं दुविहतवे वि तं पि सम्म समालोए ॥३२॥
Jain Education International
For Private & Personal Use Only
www.jainelibrary.org
