________________
४. आराहणापणगं
[सु. ८२. वइरगुत्तमुणिणो संलेहणापडिवत्ती]
2266. एवं च वच्चमाणेसु दियहेसु वइरगुत्तसाहू वि णाऊण अत्तणो आउयकम्मक्खयं दिन्नालोयणो उद्धरियसव्वसलो कयकायव्वो णिसन्नो संथार ॥ ८२ ॥ तत्थ भणिउमाढत्तो, अवि य—
[गा. ८३ - १२९. वइरगुत्तमुणिकया आराहणा] 2267. एस करेमि पणामं जिणवरतित्थस्स बारसंगस्स ।
तित्थयराणं च णमो, णमो णमो सव्वसाहूणं ॥ ८३ ॥ 2268. काऊण णमोक्कारं धम्मायरियस्सं धम्मजणयस्स ।
भावेण पडिक्कमणं एसो काहामि सव्वं पि ॥ ८४ ॥ 2269. कयसामाइयकम्मो सोहियइरियावहो समणचित्तो ।
इच्छियगोयरचरिओ पगामसेज्जाएँ विरओ य ॥ ८५ ॥ 2270. मम मंगलमरहंता, सिद्धा, साहू य विषय - णाणधणा । केवलिणा पन्नत्तो जो धम्मो मंगलं सो मे ॥ ८६ ॥ 2271 सरणं मह अरहंता, सिद्धा, साहू य बंभ - तवजुत्ता । केवलिणा पण्णत्तो धम्मो ताणं च सरणं च ॥ ८७ ॥ 2272. जिणधम्मो मह माया, जणओ य गुरू, सहोयरो साहू | सहधम्मयरा मह बंधवा यै, सेसं पुणो जालं ॥ ८८ ॥ 2273 किं सारं ? जिणधम्मो, किं सरणं ? साहुणो जए सयले । किं सोक्खं ? सम्मत्तं, को बंधो नाम ? मिच्छत्तं ॥ ८९ ॥ 2274 अस्संजमम्मि विरओ, राग-दोसे य बंधणं निंदे |
मण-वयण-कायदंडे विरओ तिन्हं पि डंडाणं ॥ ९० ॥ 2275. गुत्तीहिं तीहिं गुत्तो, निस्सल्लो तह य तीहिं सल्लेहिं । मायानियाणसले पडिक्कमे तह य मिच्छत्ते ॥ ९१ ॥
१. स सव्वभावेणं । भा° खे० ॥ २. समयम्मि मुकु० प्रत्य० ॥ ३ ए निन्विष्णो मुकु० प्रत्य• ॥। ४. य अण्णं पु° मुकु० प्रत्य० ॥
Jain Education International
२०१
For Private & Personal Use Only
www.jainelibrary.org
