________________
२०० सिरिउज्जोयणसूरिविरइयकुवलयमालाकहाअंतग्गयं 2255. अण्णेसुं पि भवेसुं जो जं भणिओ अणिट्ठकडुयं वा ।
सो खमउ मज्झ एण्हि, एसो मे खामणाकालो ॥७१ ॥ 2256. मित्तं पि खमउ मज्झं, खमउ अमित्तो वि, खमउ मज्झत्थो।
मित्ता-ऽमित्तविमुक्को मज्झत्थो-एस मे जीवो ॥७२॥ 2257. खामेमि अहं मित्ते, एस अमित्ते विहं खमावेमि।
खामेमि दो वि वग्गे, मज्झत्था होतु मे सव्वे ॥७३॥ 2258. मित्तो होइ अमित्तो, होति अमित्ता खणेण ते मित्ता।
मित्ता-ऽमित्तविवेओ काऊण ण जुज्जए एहि ॥७४॥ 2259. सयणा खमंतु मज्झं, खमंतु तह परियणा वि, खामेमि ।
सयणो परो व्व संपइ दोण्णि वि सरिसा महं होतु ॥ ७५॥ 2260. देवत्तणम्मि देवा, तिरिया तिरियत्तणम्मि जे केई।
दुक्खेण मए ठविया खमंतु ते मज्झ सव्वे वि ॥७६॥ 2261. नरयम्मि य नेरइया, मणुया मणुयत्तणे वि जे केइ ।
दुक्खेण मए ठविया खमंतु ते मज्झ सव्वे वि ॥ ७७॥ 2262. छह वि जीवणिकायाण जं मए किंचि मंगुलं रइयं ।
ते मे खमंतु सव्वे एस खमावेमि सव्वे वि ॥ ७८॥ 2263. से जाणमजाणं वा राग-दोसेहि अहव मोहेणं ।
___ जं दुक्खविया जीवा खमंतु ते मज्झ सव्वे वि ॥७९॥ 2264. खामेमि सव्वजीवे, सव्वे जीवा खमंतु मे।
मेत्ती मे सव्वभूएसु वेरं मज्झ ण केणइ ।। ८०॥
[सु. ८१. कामगइंदमुणिणो अंतगडकेवलित्तं] 2265. एवं च कयसावजजोगवोसिरॅणो पुव्वदुक्कयदूमियजंतुखामणापरो वडमाण
सुहज्झवसायकंडओ अउव्वकरणपडिवण्णखवगसेढिपरिणामो उप्पण्णकेवलनाण-दसणधरो जाओ अंतगडो कामगइंदमुणिवरो ति ॥ ८१॥
॥ द्वितीयाऽऽराधना समाप्तेति ॥ १. रयत्तगम्मि णरया, मुकु० प्रत्य० ॥ २. °त्तणम्मि जे मुकु. प्रत्य० ॥ ३. मि भावेण ॥ मुकु. प्रत्य० ॥ ४. °णो कयपुव्व मुकु० प्रत्य० ॥ ५. °दसाहु त्ति खे०॥
Jain Education International
For Private & Personal Use Only
www.jainelibrary.org
