________________
'आराहणासार 'अवरणामा 2083. उच्चार-खेल-पासवण-वंत-सिंघाण-पूइ-रुहिरेसु ।
विगयकलेवरपिसियाइएसु सब्भावचलिएसु ॥१६२॥ 2084. तह इत्थीए सोए पुरिनिद्धमणाइअसुइठाणेसु ।
सम्मुच्छंती मणुया अंगुलअस्संखभागतणू ॥१६३॥ 2085. अंतमुहुत्ताऊया अस्सन्नी मिच्छदिट्टि अपजत्ता ।
वहिया जे मुच्छनरा करेमि मिछुक्कडं तेसिं ॥१६४ ॥ 2086. पंचसु विदेहएसुं पंचसु भरहेसु एरवयपणगे ।
जे कम्मभूमिसु नरा विराहिया ते वि खामेमि ॥१६५ ॥ 2087. हेमवएसुं पंचसु पंचसु हरिवासएसु सुरकुरुसु ।
पंचसु पंचसु उत्तरकुरूसु तह रम्मपणगम्मि ॥१६६ ॥ 2088. पणएरन्नवएसुं च कम्मभूमीसु माणवे महिए ।
छप्पन्नंतरदीविगमणुए विणिवाइए खामे ॥ १६७॥ 2089. इय सव्वमाणवाणं कयं मए खामणं, विगयरागो।
अह चउविहदेवाणं तं वित्थरओ करिस्सामि ॥१६८॥ 2090. असुरकुमाराईणं भवणवईणं दसन्ह जाईणं ।
जं किंचि मए विहियं पडिकूलं तस्स खामेमि ॥१६९॥ 2091. तह अंबाईपरमाहम्मियदेवा य भवणवइभेया ।
पनरसविहे वि य मए दुहम्मि जे ठविय ते खामे ॥ १७० ॥ 2092. अप्पडीय-महड्रियवणयरभेयाण सोलसन्हं पि ।
जमणिटुं किंचि कयं तमहं गरिहामि निस्सेसं ॥१७१ ॥ 2093. तह अन्नजंभगाई दसविह जे केइ वंतरसुरा वि ।
वेराणुबंधवसओ पयाविया ते वि खामेमि ॥ १७२॥ 2094. चंदा सूरा य गहा नक्खत्ता तारगाइ जोइसिया ।
गइ-ठिइरइयविसेसा अभिंतर-बाहिरा दसहा ॥ १७३ ॥ 2095. जा का वि कया तेसिं बाहा घणराग-दोसदुद्वेणं ।
संपइ समभावठिओ तं सव्वं ते खमावेमि ॥१७४॥
Jain Education International
For Private & Personal Use Only
www.jainelibrary.org
