________________
'आराहणासार'अवरणामा 2035. अप्पुन्वभद्दकुंभो सिवसुहसंपत्तिकप्पतरुकप्पो ।
अहिलसियकामधेणू अचिंतचिंतामणी संघो ॥११४ ॥ 2036. भवजलहिजाणवत्तं संघो, अपवग्गसिहरनिस्सेणी ।
करुणामयस्स जलही, परिहो दुग्गइदुवारस्स ॥११५॥ 2037. संघो भवकंतारे सत्थाहो, गुणमणीण पवरनिही ।
जं अवरद्धो मोहा गुरुकम्मेणं पमाया वा ॥११६ ॥ 2038. अब्भहियजायहरिसो सिरि विरइय अंजलिं कयपणामो।
तं सव्वं अवराहं सम्मं संघ खमावेमि ॥११७॥ 2039. आयरिय उवज्झाए सीसे साहम्मिए कुल गणे य ।
जे मे कया कसाया, सव्वे तिविहेण खामेमि ॥ ११८॥ 2040. सव्वस्स समणसंघस्स भगवओ अंजलिं करिय सीसे ।
अवराहं खामेमि य तस्स पसायाभिमुहचित्तो ॥११९॥
[गा. १२०-२४० चउदसमं चउगइजीवखामणयदारं]
चउगइजीवरासिखामण ति2041. सगपुढवीसुं चउदस भेया, अडचत्त तिरियजाईसु ।
तिगहिय तिसय मणूए, अडनउय सयं च देवेसु ॥१२०॥ 2042. पणसय तिसट्ठिभेए अभिहयदसगेण पीडिए जीवे ।
पण सहस छ सय तीसे मिच्छा मे दुक्कडं तेसिं ॥१२१ ॥ 2043. तत्य वि नेरइयाणं रयणाई पुढविभेयभिन्नाणं ।
परमाहमिय-परुप्पर-खित्तजवियणादुहत्ताणं ॥१२२ ॥ 2044. कुंभीपागं करवत्तदारणं तिक्खसूलियारुहणं ।
वेयरणिनईतारण तत्तअयोपुत्तलीसंगं ॥ १२३ ॥ 2045. तह कूडसामलीसिहररोहणं कलकलंततउपाणं ।
असिपत्तवणपवेसण-नासा-कर-पायछेयणयं ॥ १२४॥
Jain Education International
For Private & Personal Use Only
www.jainelibrary.org
