________________
२. आराहणापडाया
१६५ 1887. गयराग-दोस-मोहो विगयमओ तह निरुस्सुगो मइमं ।
बहुजणपरिगीयगुणो नमसणिजो तिलोयस्स ॥ ९५५॥ 1888. जं नत्थि सम्बबाहाओ तस्स, सव्वं पि जाणइ जयं सो।
जं च निरुस्सुगभावो परमसुही तेण सुपसिद्धो ॥९५६॥ . 1889. परमिड्ढीपत्ताणं मणुयाणं नत्थि तं सुहं लोए।
अव्वाबाहमणुवमं जं सुक्खं तस्स सिद्धस्स ॥ ९५७ ।। 1890. देविंद-चक्कवट्टी इंदियसुक्खं च जं अणुहवंति।
तत्तो अणंतगुणियं अव्वाबाहं सुहं तस्स ॥ ९५८॥ 1891. तीसु वि कालेसु सुहाणि जाणि पवराणि नर-सुरिंदाणं ।
ताणेगसिद्धसुक्खस्स एगसमयम्मि नऽग्छति ॥ ९५९ ॥ 1892. विसएहिं से कजं जं नत्थि छुहाइयाओ बाहाओ।
रागाइया य उवभोगहेउणो तस्स जं नत्थि ॥ ९६०॥ 1893. इत्तो चिय निचं से भासण-चंकमण-चिंतणाईणं ।
चिट्ठाण नत्थि भावो सिद्धे पडिसिद्धकरणम्मि ॥ ९६१॥ 1894. अणुवमममेयमक्खयममलं सिवमजर[१ ममरमभय धुवं ।
एगतियमचंतियमव्वाबाहं सुहं तस्स ॥ ९६२॥
[गा. ९६३-६५. तिविहाए आराहणाए फलं] 1895. उक्कोसियमाराहणमाराहित्ता मुणी चउक्खधं ।
कम्मरयविप्पमुक्का तेणेव भवेण सिझंति ॥ ९६३ ॥ 1896. आराहइत्तु धीरा मज्झिममाराहणं चउक्खधं ।
पार्विति पावमुक्का तइयभवे सासयं सुक्खं ॥९६४ ॥ 1897. आराहिऊण विहिणा जहण्णमाराहणं जहासत्तिं ।
सोग्गइपरंपराए सत्तमजम्मेण सिझंति ॥ ९६५॥
Jain Education International
For Private & Personal Use Only
www.jainelibrary.org
