________________
२. आराहणापडाया
[गा. ८८८ - ९३. सवियारभत्तपरिण्णामरणस्स उवसंहारो] 1820. ते धण्णा सप्पुरिसा तेहिं सुलद्धं च माणुसं जम्मं ।
आराहणा भगवई पडिवण्णा जेहिं संपुण्णा ॥ ८८८ ॥ 1821. ते सूरा ते धीरा पडिवज्जिय जेहिं संघमज्झम्मि ।
आराहणापडाया सुहेण गहिया चउक्खंधा ॥ ८८९ ॥ 1822. किं नाम तेहिं लोए महाणुभावेहिं हुज्ज नो लद्धं ? । आरार्दितेहिं इमं महग्घमाराहणारयणं ॥ ८९० ॥ 1823. विसउण्णा जे तस्स सुद्धमाराहणं पसाहिंति । जम्मे जम्मे पाविंति ते वि आराहणं परमं ॥ ८९१ ॥ 1824. आराहयं मुणि जे सेवंति नमंति भत्तिसंजुत्ता ।
आराहणाफलमिणं सुगइसुहं ते वि पाविति ॥ ८९२ ॥ 1825. एयं पञ्चक्खाणं सवियारं वण्णियं सवित्थारं ।
इत्तो भत्तपरिण्णं लेसेण भणामि अवियारं ॥ ८९३॥
[गा. ८९४ - ९०२. अवियारभत्त परिणामरणं ] [गा. ८९४ - ९५. अवियारभत्तपरिणामरणस्स भेयतिगं ] अपरक्कमस्स मुणिणो भत्तपरिण्णं भणति अवियारं । काले अपहुप्पंतम्मि तं पि तिविहं समासेणं ॥ ८९४॥ 1827. पढमं जाण निरुद्धं १ निरुद्धतरयं च भण्णए बीयं २ | परमनिरुद्धं तइयं ३, तेसि सरूवं पुण भणामि ॥ ८९५ ॥
1826.
[गा. ८९६ - ९७. निरुद्ध अवियार भत्तपरिण्णामरणं] 1828. जंघाबलपरिहीणो रोगाऽऽयंकेहिं करिसियसरीरो ।
तस्स मरणं निरुद्धं भणियमणीहारिमं पढमं १ ॥ ८९६ ॥ 1829. तम्मिय पुव्वत्तविही, दुविहं तं पि य पयास १मपयासं २ । जणनायं तु पयासं जणे अविन्नायमपयास २ ॥ ८९७ ॥
Jain Education International
For Private & Personal Use Only
१५९
www.jainelibrary.org
