________________
१३४
सिरिवीरभदायरियविरइया 1513. सोयसरी दुरियदरी कवडकुडी महिलिया किलेसकरी ।
वइरविरोयणअरणी दुक्खखणी सुक्खपडिवक्खो ॥ ५८१ ।। 1514. पासो व्व बंधिउं जे, छेतुं महिला असि व्व पुरिसस्स ।
सल्लो व्व सल्डिं जे, पंको व्व निमजिउं सहसा ॥५८२॥ 1515. फालेउं करवत्तं व होइ, सूलं व महिलिया भित्तुं ।
पुरिसस्स खुप्पिउं कदमो ब्व, मच्चु ब्व मरिउं जे ॥ ५८३॥ 1516. महिलाणं जे दोसा ते पुरिसाणं च हंति नीयाणं ।
तत्तो अहिगतरा वा, तत्तो बल-सत्तिमंताणं ॥ ५८४ ॥ 1517. नियसीलरक्खयाणं पुरिसाणं निंदियाओ महिलाओ।
सीलं रक्खंतीणं महिलाणं निंदिया पुरिसा ॥ ५८५ ॥ 1518. किं पुण गुणकलियाओ महिलाओ अत्थि वित्थयजसाओ।
तित्थयर-चक्कि-हलहर-गणहर-सप्पुरिसजणणीओ ॥५८६॥ 1519. सीलवईओ सुव्वंति महियले पत्तपाडिहेराओ ।
नरलोयदेवयाओ चरमसरीराओ पुज्जाओ ॥ ५८७॥ 1520. ओहेण न बूढाओ, जलंतघोरग्गिणा न दड्राओ।
सीहेहिं सावएहि य परिहरियाओ अपावाओ ॥ ५८८ ॥ 1521. मोहोदएण जीवो सव्वो दुस्सीलमइलिओ होइ ।
सो मोहो महिलाणं पाएण जमुक्कडो होइ ॥ ५८९॥ 1522. ता एवं पण्णवणं पडुच्च वुच्चंति थीकया दोसा ।
ते भावितो सम्मं विसएसु विस(? र)जए पुरिसो ॥ ५९० ॥ 1523. देहस्स बीयनिप्फत्तिखित्तमाहार-जम्म-वुडीओ।
अवयवनिग्गममसुई पिच्छसु वाही जरा चेव ॥ ५९१ ॥ 1524. देहस्स सुक्क-सोणियमसुई उप्पत्तिकारणं जम्हा ।
तम्हा देहो असुई अमेज्झघडिओ घडो चेव ॥ ५९२॥
१. विसजिए मो० ॥
Jain Education International
For Private & Personal Use Only
www.jainelibrary.org
