________________
१२९
२. आराहणापडाया 1449. परिहर असञ्चवयणं सव्वं पि चउन्विहं पयत्तेण ।
संजमवंता वि जओ भासादोसेण लिप्पंति ॥ ५१७ ॥ 1450. सब्भूयऽत्थनिसेहो पढममसच्चं न संति जह जीवा ।
बीयमसब्भूयकहा संति जहा भुवणकत्तारो ॥ ५१८॥ 1451. अण्णहवयणं तइयं-निच्चो जीवो जहा अणिच्चो वा ।
सावजमणेगविहं वयणमसचं चउत्थं तु ॥ ५१९॥ 1452. जत्तो पाणवहादी दोसा जायंति तमिह सावजं ।
अप्पियवयणं च तहा कक्कस-पेसुण्णमाईयं ॥ ५२० ॥ 1453. हासेण व कोहेण व लोभेण भएण वा वि तमसचं ।
मा भणसु, भणसु सचं, जीवहियत्थं पसत्थमिणं ॥ ५२१॥ 1454. मिय-महुरमखरमपिसुणमछलं कजोवगं असावजं ।
धम्माऽहम्मियसुहयं भणाहि, तं चेव य सुणाहि ॥ ५२२॥ 1455. सच्चं वयंति रिसिणो, रिसीहिं विहिया उ सच्चविजा उ।
मिच्छस्स वि सिझंती विजाओ सच्चवाइस्स ॥ ५२३॥ 1456. विस्ससणिज्जो माय व्व होइ, पुजो गुरु व्व लोयस्स ।
सयणो व सच्चवाई पुरिसो सव्वस्स होइ पिओ ॥५२४॥ 1457. सच्चम्मि तवो, सच्चम्मि संजमो, तम्मि चेव सव्वगुणा ।
अइसंजओ वि मोसेण होइ तणपेलवो पुरिसो ॥ ५२५॥ 1458. जह परमण्णस्स विसं विणासयं, जह य जोव्वणस्स जरा ।
तह जाण अहिंसादी गुणे असचं विणासेइ ॥ ५२६ ॥ 1459. होउ व जडी सिहंडी मुंडी वा वक्कली व नग्गो वा।
लोए असञ्चवादी भण्णइ पासंडचंडालो ॥ ५२७॥ 1460. अलियं सई पि भणियं विहणइ बहुयाइं सञ्चवयणाई।
पडिओ नरयम्मि वसू इक्केणमसच्चवयणेण ॥ ५२८॥ [सचं] ॥ 1461. मा कुणसु धीर ! बुद्धिं अप्पं व बहुं व परधणं चित्तुं ।
दंतंतरसोहणयं कलिंचमित्तं पि अद्दिण्णं ॥ ५२९ ॥ पा. ९
दततरसाद
Jain Education International
For Private & Personal Use Only
www.jainelibrary.org
