________________
२. आराहणापडाया
१२७
1425. दु-ति- चउरिंदिय विगला, पर्णिदि सण [? अ] - असण्णिणो दुविहा । पज्जत्ताऽपज्जत्ताभेएण तसा दसवियप्पा ॥। ४९३ ॥
1426. जह ते न पियं दुक्खं जाणिय तह चैव सव्वजीवाणं । सव्वायरमुवउत्तो अप्पोवम्मेण कुणसु दयं ॥ ४९४ ॥ 1427 तण्हा - छुहाइपरिताविओ वि जीवाण घायणं किच्चा । पडियारं काउं जे मा तं चिंतेसि लहसु सई ॥ ४९५ ॥ 1428. ' तेलोक्क - जीवियाणं वरेहि एगयरयं' ति देवेहिं ।
भणिए को तेलोक्कं वरेज्ज नियजीवियं मुत्तुं ? ॥ ४९६॥ 1429. जं एवं तेलोक्कं नऽग्घइ जीवस्स जीवियं तम्हा ।
जीविघा जीवस्स होइ तेलोक्कघायसमो ॥ ४९७ ॥ 1430. थोवत्थोवं संजममावज्जिय जह महुं महुयरीहिं ।
तिहुयणसारं हिंसानावापूरेहिं मा चयसु ॥ ४९८ ॥ 1431 तुंगं न मंदराओ, आगासाओ विसालयं नत्थि ।
जह, तह जयम्मि जाणसु धम्ममहिंसासमं नत्थि ।। ४९९ ।। 1432. जह आगासे लोगा, दीव-समुद्दा जहा य भूमीए ।
तह जाण अहिंसाए ठियाणि तव दाण-सीलाणि ॥ ५०० ॥ 1433. दाणं निस्संग तवो दिक्खा देवच्चणं सुहच्चाओ ।
ते जीवदयाइ विणा सव्वे वि निरत्थया हुंति ॥ ५०१ ॥ 1434 जइ नाम परमधम्मो गो-बंभण- महिलवहनियत्तीए ।
ता कह न होइ परमो धम्मो जा सव्वजीवदया ? ॥ ५०२ ॥ 1435. जं जीववहेण विणा विसयसुहं नत्थि जीवलोयम्मि ।
ता जीवदया जाय महव्वयं विसयविमुहस्स ॥ ५०३ ॥ 1436. परिचत्तविसयसंगे फासुयआहार- पाणभोइम्मि । मण-वण- कायगुत्ते होइ अहिंसावयं सुद्धं ॥ ५०४ ॥
१. अतोव सं० २ ॥
Jain Education International
For Private & Personal Use Only
www.jainelibrary.org
