________________
२. आराहणापडाया
1331. उव्वत्तण- परिवत्तण-तुयट्टणुट्ठाण-निसियणाईसु ।
चउरो समाहिकामा अलग्गंता य विहरति ॥ ३९९॥ 1332. वज्जित्ता विकहाओ अज्झत्थविराहणीओ पावाओ ।
अखलियममिलियमणलियमणुञ्चमंदं अपुणरुत्तं ॥ ४०० ॥ 1333. निद्धं महुरं हिययंगमं च पल्हायणिज्ज पत्थं च ।
चार जणा धम्मं कहंति निचं विचित्तकहा ॥ ४०१ ॥ 1334. जुत्तस्स तवधुराए अन्भुज्जयमरणधेणुसीसम्मि ।
तह ते कहिंति धीरा जह सो आराहओ होइ ॥ ४०२ ॥ 1335. चत्तारि जणा भत्तं उवकप्पंति य गिलाणपाउग्गं ।
छंदियमवगयदोसं अपमाइणो लद्धिसंपण्णा ॥ ४०३ ॥ 1336 चत्तारि जणा पाणयमुवकप्पंति अगिलाइपाउग्गं ।
चत्तारि जणा रक्खंति दवियमुवकप्पियं तेहिं ॥ ४०४ ॥ 1337 काइयमाइ य सव्वं चत्तारि परिट्ठविंति खवगस्स ।
पडिलेहंति य उभओकालं सिज्जुवहि- संथारं ॥ ४०५ ॥ 1338. खमगस्स घरदुवारं सारक्खंति य जणा उ चत्तारि । चत्तारि समोसरणदुवारं रक्खंति जयणाए ॥ ४०६ ॥ 1339. जियनिद्दा तल्लिच्छा राओ रक्खंति तह य चत्तारि । चत्तारि गवेसंति उ खित्ते देसे पवित्तीओ ४०७॥ 1340. बाहिं असद्दपडियं कहिंति चउरो चउव्विहकहाओ । ससमय-परसमयविऊ महाणुभावा तहा चउरो ॥ ४०८ ॥ 1341. धम्म कहरक्खणट्ठा बाहिं हिंडंति पयडमाहप्पा |
ते निज्जवंति खवयं अडयालीसं तु निज्जवया ॥ ४०९ ॥ 1342. कालाणुसारओ पुण चउरो चउरो कमेण हाविज्जा ।
जा चउरो अहवा दो हुंति जहण्णेण निज्जमया ॥ ४१० ॥ 1343. एगो जइ निज्जमओ अप्पा चत्तो परो पवयणं वा । वसणं समाहिमरणे उड्डाहो दुग्गई वा वि ।। ४११॥
Jain Education International
For Private & Personal Use Only
११९
www.jainelibrary.org
