________________
१०९
२. आराहणापडाया 1215. तम्हा गणिणा उव्वीलएण खवगस्स दोससव्वस्सं ।
उग्गालेयव्वं खलु तस्स हियं चिंतयंतेण ४ ॥२८३ ॥ 1216. जो संथारोवहिपविगिंचणत्तणाइकज्जेसु (१)।
अब्भुजयचरियाए उवयारं तस्स कुव्वंतो ॥ २८४ ॥ 1217. अप्पपरिस्सममगणिय वट्टइ खमगस्स तस्स पडियरणे ।
सत्तीए आयरिओ पकुवओ नाम सो होइ ॥ २८५॥ 1218. खमओ किलामियंगो पडियरणगुणेण निव्वुई लहइ ।
तम्हा निव्विसियव्वं खवएण पकुविणो पासे ५ ॥ २८६॥ 1219. पडियरयपमाएण व छुहाकिलंतो व वेयणऽत्तो वा ।
कुप्पेज व सो खमओ मेरं वा भेत्तुमिच्छिज्जा ॥ २८७॥ 1220. निव्वावएण य तओ चित्तं खवयस्स निव्ववेयव्वं ।
अक्खोभेण खमाए जुत्तेण पणट्ठमाणेण ॥ २८८ ॥ 1221. निद्धं महरं हिययंगमं च आहरण-हेउजुत्तं च ।
कहइ कहं निव्ववओ समाहिहेउं महामतिमं ॥ २८९॥ 1222. खुहियं परीसहुम्मीहिं साहुपोयं भवोहवुभंतं ।
संजमरयणं निजामओ व्व निव्वावओ धरइ ॥२९०॥ 1223. आराहणं चइज्जा स तस्स कण्णाहुइं जइ न दिज्जा ।
ता निव्ववगो खमगस्स होइ निजामओ सूरी ६ ॥ २९१॥ 1224. लजाइ गारवेण य जइ सम्मं को वि किंचि नाऽऽलोए ।
दसेइ से अवाए अवायदसि त्ति सो होइ ॥२९२॥ 1225. दुक्खेण लहइ जीवो संसारमहण्णवम्मि सामण्णं ।
तव संजमं च अबुहो नासेइ ससल्लमरणेण ॥ २९३॥ 1226. मरिउं ससल्लमरणं संसाराडविमहाकडिलम्मि ।
सुइरं भमंति जीवा अणोरपारम्मि ओयरिउं ॥ २९४ ॥ 1227. न वि तं सत्यं व विसं व दुप्पउत्तो व कुणइ वेयालो ।
जंतं व दुप्पउत्तं सप्पो व पमाइओ कुद्धो ॥ २९५॥
Jain Education International
For Private & Personal Use Only
www.jainelibrary.org
