________________
१०३
२. आराहणापडाया 1139. लीढसिलेसा तुच्छ व्व मच्छिया दुक्करं विमोएउं।
इत्थीसंसग्गीओ अप्पाणं पुरिसमित्तस्स ॥ २०७॥ 1140. निचं पासत्थाइहिं संबंधं आयरेण वजेह ।
पुरिसो संसग्गिवसेण तम्मओ होइ अचिरेण ॥ २०८॥ 1141. कुसलेहिं पसमियं पि हु कुसीलसंसग्गिमेहवदलए ।
वंतरविसं व कुप्पइ पुणो वि मुणिणो पमायविसं ॥ २०९॥ 1142. तम्हा पिय-दढधम्मेहिं वजभीरूहिं कुणह संसग्गि।
उज्जमइ मंदधम्मो वि तप्पभावा, जओ भणियं ॥ २१०॥ 1143. नवधम्मस्स हु पाएण धम्मे न रमई मई।
वहए सो वि संजुत्तो गोरिवाऽविधुरं वरं(? रधं) ॥ २११॥ 1144. एगागिस्स हु चित्ताई विचित्ताइं खणे खणे ।
उप्पजंते वियंते य ता वसे सज्जणे जणे ॥२१२॥ 1145. संवासं सीलगुणडएहिं जो संकहं वियड्रेहिं ।
पीइं अलुद्धबुद्धीहिं कुणइ, सो कुणइ अप्पहियं ॥ २१३॥ 1146. अप्पपसंसं सप्पं व चयसु सप्पुरिसनिंदियं अहमं ।
विसमुच्छियं व पुरिसं जा कुणइ विवेयनिस्सारं ॥२१४॥ 1147. अप्पपसंसा पुरिसस्स होइ चिंधं सुनिग्गुणत्तस्स ।
जइ तस्स गुणा होता ता नूण जणो वि सलहतो ॥ २१५॥ 1148. सयणे व परजणे वा परपरिवायं च चयसु निच्चं पि ।
अचासायणभीओ परगुणदंसी सया होहि ॥ २१६॥ . 1149. परनिंदापरिहरणं, परहियवयणं, न जायणाकरणं ।
__ उचियं च विणयकरणं, इणमो लोयम्मि गुणकरणं ॥ २१७॥ 1150. परगुणहरणं नियगुणपसंसणं अप्पगारवुग्गिरणं ।
परपत्थणमपसत्थं, एयाई गुरुं पि लहुइंति ॥ २१८॥ 1151. जो परदोसे गिण्हइ स दोसवं होइ, एत्थ किं भणिमो १ ।
गिण्हंतो य परगुणे गुणवं होइ त्ति, किं चोजं ? ॥ २१९॥
Jain Education International
For Private & Personal Use Only
www.jainelibrary.org
