________________
१०२
सिरिवीरभदायरियविरइया 1126. अकलियपणय-विरोहा अव्वामोहा अभिण्णमुहसोहा ।
अमलियगुणसंदोहा जयम्मि ते निग्गयजसोहा ॥ १९४ ॥ 1127. अहिट्ठपरुक्करिसा अभिण्णहरि(? रह)सा अखंडियामरिसा ।
अमुणियसगुणुक्करिसा जियंति जे, ते चिय जियंति ॥ १९५॥ 1128. भत्ती जिणेसु, मित्ती जिएसु, तत्ती गुरूवएसेसु ।
पीई सीलगुणडेसु जेसिं ते उत्तमा लोए ॥१९६॥ 1129. परउवयारे वित्तं, चित्तं परलोगकनचिंताए ।
धम्मुज्जमे य जम्मं जस्स गयं, किं गयं तस्स ? ॥१९७॥ 1130. तित्थयरो चउनाणी सुरमहिओ सिज्झियव्वयधुवम्मि ।
अणिगृहियबल-विरिओ सव्वत्थामेसु उज्जमइ ॥१९८॥ 1131. किं पुण अवसेसेहिं दुक्खक्खयकारणा सुविहिएहिं ।
होइ न उज्जमियव्वं सपञ्चवायम्मि जियलोए ? ॥१९९॥ 1132. सत्तीए भत्तीए य वेयावञ्चुज्जया सया होह ।
आण ति निज्जर ति य सबाल-वुड्ढाउले गच्छे ॥ २००॥ 1133. सज्झाय-तवाईणं च जं च तं चिय पहाणयं बिंति ।
सव्वं किर पडिवाई, वेयावचं अपडिवाई ॥२०१॥ 1134. भरहो बाहुबली वि य दसारकुलनंदणो य वसुदेवो ।
वेयावचाऽऽहरणा, तम्हा पडितप्पह जईणं ॥ २०२॥ 1135. वजेह अप्पमत्ता अन्जासंसग्गिमग्गि-विससरिसं ।
अजाणुचरो साहू पावइ वयणिजमचिरेण ॥ २०३॥ 1136. थेरस्स तवस्सिस्स वि बहुस्सुयस्स वि पमाणभूयस्स ।
अज्जासंसग्गीए निवडइ वयणिज्जवज से ॥२०४॥ 1137. किं पुण तरुणो अबहुस्सुओ य न विगिट्ठतवपसत्तो य ।
सद्दाइगुणपसत्तो न लहइ जणजपणं लोए ? ॥२०५॥ 1138. सव्वत्थ इत्थिवग्गम्मि अप्पमत्तो सया अवीसत्थो।
नित्थरइ बंभचेरं, तव्विवरीओ न नित्थरइ ॥ २०६॥
Jain Education International
For Private & Personal Use Only
www.jainelibrary.org
