________________
५८
पाईणायरियविरइया 631. बहुवेर-कलहमूलं नाऊण परिग्गहं पुरिससीहा ।
ससरीरे वि ममत्तं चयंति चंपाउरिपहु व्व ॥ ६३१ ॥ परिग्रहव्रतम् ५॥ 632. एएसिं तु वयाणं रक्खत्थं राइभोयणनियत्ती।
अट्ठ य पवयणमायाओ भावणाओ य सव्वाओ ॥ ६३२॥ 633. अलमित्थ पसंगेणं, रक्खिन महत्वयाइं जत्तेणं ।
अइदुहसमजियाई रयणाई दरिद्दपुरिसो व्व ॥ ६३३॥ महाव्रतद्वारम् ४॥
[गा. ६३४-३९. पंचमं मयनिग्गहणअणुसहिपडिदारं] 634. जाई-कुलमय-बलमय-रूव-तविस्सरिय-सुयमयं चेव ।
लाभमय पी वजसु मयदोसे मुणिय मुणिवसभा ! ॥ ६३४ ॥ 635. अन्नयरमउम्मत्तो पावइ लहुयत्तणं सुगुरुओ वि।
विबुहाण सोयणिज्जो, बालाण वि होइ हसणिज्जो ॥६३५॥ 636. जइ नाणाइमओ वि हु पडिसिद्धो अट्ठमाणमहणेहिं ।
तो सेसमयट्ठाणा परिहरियव्वा पयत्तेणं ॥ ६३६ ॥ 637. जाइमएणिक्केण वि पत्तो डुंबत्तणं दियवरो वि ।
सव्वमएहिं कहं पुण होहिंति न सव्वगुणहीणा ? ॥ ६३७॥ 638. जाइमए हरिकेसी, कुले मरीई, बलम्मि विसभूई ।
रूवे सणंकुमारो, तवगब्वे कूरघडखवगा ॥ ६३८॥ 639. रिद्धी दसन्नभदो, सुयाभिमाणम्मि थूलभद्दमुणी।
भरुयच्छऽज्जा लाभे, अट्ठमयट्ठाणआहरणा ॥६३९॥ मदनिग्रहद्वारम् ५॥
[गा. ६४०-४९. छठें इंदियविजयअणुसहिपडिदारं] 640. सुइ-दिट्ठि-घाण-जीहा-फासिंदियपंचगं पि दुजेयं ।
जो जिणइ भावणाए विउला आराहणा तस्स ॥ ६४०॥ 641. अजिइंदिएहिं चरणं कहूं व घुणेहि कीरइ असारं ।
तो चरणत्थीहिं दढं जइयव्वं इंदियजयम्मि ॥ ६४१॥ १. भयं पि य व A. विना॥
Jain Education International
For Private & Personal Use Only
www.jainelibrary.org
