________________
१. आराहणापडाया
५७
619. जं किंचि दुहं लोए इह-परलोउब्भवं च अइदुसहं ।
तं सव्वं चिय जीवो अणुहवई मेहुणाऽऽसत्तो ॥६१९॥ 620. अजसमणत्थं दुक्खं इहलोए, दुग्गई य परलोए।
संसारं च पारं न मुणइ विसयाऽऽमिसे गिद्धो ॥ ६२० ॥ 621. विसयाउरेहिं बहुसो सीलं मणसा वि मयलियं जेहिं ।
ते नरयदुहं दुसहं सहति जह मणिरहो राया ॥ ६२१ ॥ 622. जलही वि गोपयं विय, अग्गी वि जलं, विसं पि अमयसमं ।
सीलसहायाण सुरा वि किंकरा हुंति भुवणम्मि ।। ६२२ ॥ 623. सुर-नररिद्धी नियकिंकरि ब्व, गेहंगणि व्व कप्पतरू।
सिद्धिसुहं पि य करयलगयं व वरसीलकलियाण ॥ ६२३ ॥ 624. चिंतामणिणा किं तस्स ? किं व कप्पद्दमाइवत्थूहिं १ ।
चिंताईयफलकरं सीलं जस्सऽत्थि साहीणं ॥६२४॥इति चतुर्थव्रतम् ४॥ 625. मिच्छत्ताइचउद्दसभेए अभितरे चयसु गंथे ।
खित्ताइ दसविहे वि य धीर ! तुम तिविहतिविहेणं ॥ ६२५॥ 626. गंथनिमित्तं कुद्धो कलहं बोलं करिज वेरं वा ।
पहणिज व मारिज व मारिजिज व तह परेणं ॥ ६२६॥ 627. अहवा होज विणासो गंथस्स जल-ऽग्गि-मूसियाईहिं ।
नटे गंथे य पुणो तिव्वं पुरिसो लहइ दुक्खं ॥६२७॥ 628. जइ वहसि कहवि अत्थं निग्गंथं पवयणं पवन्नो वि ।
निग्गंथत्ते तो सासणस्स मयलत्तणं कुणसि ॥ ६२८॥ 629. तैम्मइलणा उ सुत्ते भणिया मूलं पुणब्भवलयाणं ।
तो निग्गंथो अत्थं सव्वाणत्थं विवजिज्जा ॥ ६२९ ॥ 630. जइ चक्कवट्टिरिद्धिं लद्धं पि चयंति केइ सप्पुरिसा ।
को तुज्झ असंतेसु वि धणेसु तुच्छेसु पडिबंधो १ ॥ ६३०॥ १. पि A. विना ॥ २. °रू। मुक्खसुई A. विना॥ ३. तम्मयलाणं सत्थे भ° D. । तम्मलणय य सत्थे भ° F.॥
Jain Education International
For Private & Personal Use Only
www.jainelibrary.org
