________________
५५
१. आराहणापडाया 596. किं सुरगिरिणो गरुयं १ जलनिहिणो किं व हुज गंभीरं ?।
किं गयणाओ विसालं ? को य अहिंसासमो धम्मो ? ॥ ५९६ ॥ 597. कलाणकोडिजणणी दुरंतदुरियारिवग्गनिट्ठवणी।
संसारजलहितरणी इक्का सा होइ जीवदया ॥५९७॥ 598. विउलं रज्जं रोगेहिं वज्जियं रूवमाउयं दीहं।
अन्नं पि तं न सोक्खं जं जीवदयाए न हु सज्झं ॥५९८॥ 599. जे पुण छज्जीववहं कुणंति अस्संजया निरणुकंपा ।
ते दुहलक्खामिहया भमंति संसारकंतारे ॥ ५९९ ॥ 600. चरउ तवं, धरउ वयं, सरउ गुरुं, करउ दुक्करं किरियं ।
कासकुसुमं व विहलं जइ नो जियरक्खणं कुणइ ॥ ६००॥ 601. नाऊण दुहमणंतं जिणोवएसाओ जीववहयाणं । हुज अहिंसानिरओ जइ निव्वेओ भवदुहेसु ॥६०१॥
॥ इति प्राणातिपात[विरतिव्रतम् १॥ 602. कोहेण व लोभेण व हासेण भएण वा वि तिविहेणं ।
सुहुमेयरं पि अलियं वजसु सावजसयमूलं ॥६०२॥ 603. लोए वि अलियवाई वीससणिज्जो न होइ भुयगो व्व ।
पावइ अवन्नवाय, पियराण वि देइ उव्वेयं ॥ ६०३॥ 604. आराहिजइ गुरु-देवयं व, जणणि व्व जणइ वीसंभं ।
पियबंधवु व्व तोसं अवितहवयणो जणइ लोए ॥६०४॥ 605. मरणे वि समावडिए जंपति न अन्नहा महासत्ता ।
जन्नफलं निवपुट्ठा जह कालगसूरिणो भयवं ॥ ६०५॥ . 606. पावस्साऽऽसवदारं असञ्चवयणं भणति हु जिणिंदा ।
कारण अपावो वि य मोसेण वसू गओ निरयं ॥ ६०६ ॥ 607. सेलपुरिसो व्व मूया खलंतवयणा अय व्व जे केइ ।
तं पुव्वजम्मजंपियमिच्छावायस्स फलमेयं ॥ ६०७॥ १. °कतार A. विना ॥ २. इति मायव्रतम् A. विना ॥ ३. एलपु' B. E. F. ॥
Jain Education International
For Private & Personal Use Only
www.jainelibrary.org
