Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 678

२०. तित्थोगालीपइन्नयं ४७८०. जं संठाणं तु इहं भवं चयंतस्स चरिमसमयम्मि ।
आसी य पएसघणं तं संठाणं तहिं तस्स ॥१२३९ ॥ ४७८१. उत्ताणओ व्व पासेल्लओ व्व ठियओ निसन्नओ चेव ।
जो जह करेइ कालं सो तह उववजए सिद्धो ॥१२४०॥ ४७८२. तिन्नि सता तेवीसा धणुत्तिभागो य होइ बोधव्वो।
एसा खलु सिद्धाणं उक्कोसोगाहणा भणिता ॥ १२४१॥ ४७८३. चत्तारि य रयणीओ रयणितिभागूणिया य बोधव्वा ।
एसा खलु सिद्धाणं मज्झिमओगाहणा भणिया ॥१२४२॥ ४७८४. एगा य होइ रयणी अट्ठेव य अंगुलाई साहीया।
एसा खलु सिद्धाणं जहन्नओगाहणा भणिया ॥ १२४३॥ ४७८५. जत्थ य एगो सिद्धो तत्थ अणंता भवक्खयविमुक्का ।
अन्नोन्नसमोगाढा पुट्ठा सव्वे य लोगते ॥ १२४४॥ ४७८६. फुसइ अणंते सिद्धे सव्वपदेसेहिं नियमसो सिद्धो ।
ते वि असंखेजगुणा देस-पदेसेहि जे पुट्ठा ॥ १२४५॥ ४७८७. केवलनाणुवउत्ता जाणंती सव्वभावगुणभावे ।
पासंति सव्वओ खलु केवलदिट्ठी(हऽ)णताहि ॥ १२४६॥ ४७८८. न वि अस्थि माणुसाणं तं सोक्खं न वि य सव्वदेवाणं ।
जं सिद्धाणं सोक्खं अव्वाबाहं उवगयाणं ॥१२४७॥ ४७८९. सुरगणसुहं समत्तं सव्वद्धापिंडितं अणंतगुणं ।
न वि पावइ मुत्तिसुहं णंताहि वि वग्गवग्गूहि ॥ १२४८॥ ४७९०, सिद्धस्स सुहो रासी सव्वद्धापिंडिओ जइ हवेजा।
सोऽणंतभागभइओ सव्वागासे न माएज्जा ॥१२४९॥ ४७९१. जह नाम कोइ मेच्छो नगरगुणे बहुविहे विजाणंतो।
न चएइ परिकहेउं उवमाए तहिं असंतीए ॥१२५०॥
२०
१. समग्गं ला०॥