Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 652

२०. तित्थोगालीपइन्नयं ४४९५. रयणीपमाणमेत्ता उक्कोसेणं तु वीस-सोलाऊ ।
बहुपुत्त-नत्तुसहिया निल्लज्जा विणयपरिहीणा ॥ ९५४ ॥ ४४९६. नट्ठग्गिहोमसक्कर[? य]भोइणो सूरपक्कमंसासी ।
अणुगंगसिंधु-पव्वयबिलवासी कूरकम्मा य ॥ ९५५॥ ४४९७. होहिंति य बिलवासी बावत्तरि ते बिला उ वेयड़े।
उभतो तडे नदीणं नव नव एकेक्कए कूले ॥ ९५६॥ ४४९८. सेसं तु बीयमेत्तं होही सव्वेसु जीवजातीसु ।
कुणिमाहारा सव्वे नीसाए संझकालस्स ॥ ९५७॥ ४४९९. रहपहमेत्तं तु जलं होही बहुमच्छ-कच्छभाइण्णं ।
तम्मि समए नदीणं गंगादीणं दसण्हं पि ॥ ९५८॥ ४५००. अहमा य सूरभीरू निसाचरा बिलगया य दिवसम्मि ।
गंगा-सिंधुनदीणं काहिंति ततो थले मच्छा ॥ ९५९ ॥ ४५०१. गंगा सिंधू य नदी वेयगिरी य भरहवासम्मि ।
एयाइं नवरि तिन्नि वि होहिंति, न होहिती सेसं ॥९६०॥ ४५०२. इगवीससहस्साई भणिया अतिदूसमा उ वीरेणं ।
रायगिहे गुणसिलए गोयममादीण सीसाणं ॥ ९६१॥ ४५०३. ओसप्पिणी उ एसा कोडाकोडीओ होइ दस चेव ।
अयरोवमाण निययं अरगा छ च्चेव वक्खाया ॥ ९६२॥ ४५०४. एत्तो परं तु वोच्छं ओसप्पिणीए उ किंचि उद्देसं ।
इगवीससहस्साई अड्दूसम होइ वासाणं ॥ ९६३॥ ४५०५. दससु वि वासेसेसा काहिति दुक्खाई मणुय-तिरियाणं ।
होही असुरा भूमी मुम्मुरइंगालसमवण्णा ॥९६४ ॥ ४५०६. सी-उण्हं बिलवासी गमेंति कहकहवि दुक्खसंतत्ता ।
वसणविहूणा मणुया, इत्थीओ विगयचेलाओ ॥९६५॥