Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 606

२०. तित्थोगालीपइन्नयं ३९७४. आयाहिण पुव्वमुहो तिदिसि पडिरूवगा उ देवकया।
जेट्ठगणी अण्णो वा दाहिणपासे अदूरम्मि ॥ ४३३॥ ३९७५. जे ते देवेहिं कया तिदिसि पडिरूवगा जिर्णिदाणं ।
तेसि पि तप्पभावा तयाणुरूवं हवइ रूवं ॥ ४३४॥ ३९७६. सीहासणे निसन्ना रत्तासोगस्स हेर्दुओ वीरा ।
सक्का सहेमजाले गेण्हंति सयं तु छत्ताई ॥ ४३५॥ ३९७७. दो होति चामराओ सेयाओ मणिमएहिं दंडेहिं ।
ईसाण-चमरसहिया धरेंति ते जिणवरिंदाणं ॥४३६ ॥ ३९७८. तित्थाइसेस संजय, देवी वैमाणियाण, समणीओ।
भवणवइ-वाणमंतर-जोइसियाणं च देवीओ॥ ४३७॥ ३९७९. केवलिणो तिउण जिणे तित्थपणामं च मग्गओ तेसिं ।
मुणिमादी वि नमंता वयंति सट्ठाणसट्ठाणं ॥ ४३८॥ ३९८०. भवणवती जोइसिया बोधव्वा वाणमंतरसुरा य ।
वेमाणिया य मणुया पयाहिणं जं च निस्साए ॥४३९॥ ३९८१. पविसंति स-महियंदा उत्तरदारेण कप्पवासिसुरा । राया नर-नारिगणा जे वि य देवा वणयराणं ॥४४०॥
. ॥ गयमुत्तरदारं ॥ ३९८२. कप्पवइअंगणाओ अणगारा वि य पुरथिमिल्लेणं ।
पविसंती नाणामणिकिरणोदारेण दारेणं ॥ ४४१॥ पुत्वदारं ॥ ३९८३. आगच्छंती अइसुंदरेण दारेण दक्षिणेणं तु । भवणवइ-वाणमंतर-जोइसियाणं च देवीओ॥४४२॥
॥[दक्खिणदारं] ॥ ३९८४. जे भवणवई देवा अवरद्दारे तओ [१ य] पविसंति । तेणं चिय जोइसिया देवा दइयाजणसमग्गा ॥ ४४३॥
[पच्छिमदार] ॥ २५ १. हिटिमा हं० की० ॥ २. °पमाणं च प्रतिपाठः॥ ३. पगय है. की०॥