Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 566

२० तित्थोगालीपइन्नयं
नमः सर्वशाय
[गा. १-६. मंगलमभिधेयं च ३५४२. जयइ ससिपायनिम्मलतिहुयणवित्थिण्णपुण्णजसकुसुमो ।
उसमो केवलदसणदिवायरो दिट्ठदट्ठव्वो ॥१॥ ३५४३. बावीसइं च निजियपरीसहकसायविग्यसंघाया।
अजियाईया भवियारविंदरविणो जयंति जिणा ॥२॥ ३५४४. जयई सिद्धत्थनरिंदविमलकुलनहयल[म्मि व] मियंको ।
महिपाल-ससि-महोरग-महिंदमहिओ महावीरो ॥३॥ ३५४५. नमिऊण समणसंघ सुनायपरमत्थपायडं वियडं ।
वोच्छं निच्छययत्थं तित्थोगालीए संखेवं ॥४॥ ३५४६. रायगिहे गुणसिलए भणिया वीरेण गणहराणं तु।
पयसयसहस्समेगं वित्थरओ लोगनाहेणं ॥५॥ ३५४७. अइसंखेवं मोत्तुं, मोत्तूण पवित्थरं अहं भणिमो।
अप्पक्खरं महत्थं जह भणियं लोगनाहेणं ॥६॥
[गा. ७-९. कालसरूवं ३५४८. कालो उ अणाईओ पवाहरूवेण होइ नायव्वो।
निहणविहूणो सो चिय बारसअरगेहिं निद्दिट्ठो ॥७॥ ३५४९. दवट्ठयाए निचो, होइ अणिच्चो य नयमए बीए।
एगंतो मिच्छत्तं, जिणाण आणा अणेयंतो ॥८॥
१. 'नमः सर्वज्ञाय' इति ग्रन्थप्रारम्भे लेखकैलिखितं मङ्गलमस्ति ॥