Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 309

१५२
पइण्णयसुत्तेसु १३२०. अह इत्तो चउरंगे चउत्थमंगं सुसाहुधम्मम्मि ।
वन्नेइ भावणाओ बारसिमा बारसंगविऊ ॥ ५७१ ॥ १३२१. समणेण सावरण य जाओ निचं पि भावणिज्जाओ।
दढसंवेगकरीओ विसेसओ उत्तिमम्मि ॥ ५७२ ॥ ५ १३२२. पढमं अणिच्चभावं १ असरणयं २ एगयं ३ च अन्नत्तं ४ ।
संसार५मसुभया ६ वि य विविहं लोगस्सहावं ७ च ॥५७३॥ १३२३. कम्मस्स आसवं ८ संवरं ९ च निजरण१०मुत्तमे य गुणे ११ ।
जिणसासणम्मि बोहिं च दुलहं १२ चिंतए मइमं ॥ ५७४ ॥ १३२४. सव्वट्ठाणाई असासयाइं इह चेव देवलोगे य ।
सुर-असुर नराईणं रिद्धिविसेसा सुहाई वा ॥ ५७५ ॥ १३२५. माया-पिईहिं सहवड्डिएहिं मित्तेहिं पुत्त-दारेहिं ।
एगयओ सहवासो पीई पणओ वि य अणिच्चो ॥ ५७६ ॥ १३२६. भवणेहिं उववणेहि य सयणाऽऽसण-जाण-वाहणाईहिं।
संजोगो वि अणिचो तह परलोगो वि सह तेहिं ॥ ५७७॥ १५ १३२७. बल-विरिय-रूव-जोव्वणसामग्गी सुभगया वपूसोमा ।
देहस्स य आरुग्गं असासयं जीवियं चेव १ ॥५७८॥ १३२८. जम्म-जरा-मरणभए अभिदुए विविहवाहिसंतत्ते ।
लोगम्मि नत्थि सरणं जिणिंदवरसासणं मुत्तुं ॥ ५७९ ॥ १३२९. आसेहि य हत्थीहि य पव्वयमित्तेहिं निञ्चमित्तेहिं ।
सावरण-पहरणेहि य बैलमयमत्तेहिं जोहेहिं ॥ ५८० ॥ १३३०.
महया भडचडगरपहकरेण अवि चक्कवट्टिणा मन्चू ।
न य जियपुवो केणइ नीइबलेणावि लोगम्मि ॥ ५८१॥ १३३१. विविहेहि मंगलेहि य विजा-मंतोसहीपओगेहिं ।
न वि सक्का ताएउं मरणा ण विरुण्ण-सोएहिं॥५८२॥
१. सुहायं वा पु० ॥ २. बलवय° सं० विना ॥