Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 292

१३५
५. मरणविभत्तिपइण्णयं ११४०. वसिऊण सुर-नरीसरचामीयररिद्धिमणहरघरेसु ।
वसिओ नरगनिरंतरभयभेरवपंजरे जीवो ॥ ३९१ ।। ११४१. वसिऊण विचित्तेसु य विमाणगण-भवणसोभसिहरेसु ।
वसइ तिरिएसु गिरिगुहविवर-महाकंदर-दरीसु ॥ ३९२ ॥ ११४२. भुतूण वि भोगसुहं सुर-नर-खयरेसु, पुण पमाएणं ।
पियइ नरएसु भेरवकलकलतउ-तंबपाणाइं ॥ ३९३॥ . ११४३. सोऊण मुइयणरवईभवे य जयसद्दमंगलरवोपं ।
सुणइ नरएसु दुहयरअकंदुद्दामसहाई ॥ ३९४ ॥ ११४४. निहण हण गिण्ह दह पय उविध पविंध बंध संधाहि।
फाले लोले घोले चूरे खारेहिं से गत्तं ॥ ३९५ ॥ ११४५. वेयरणिखार-कलिमल-वेसलंकसल-करकयकुलेसु ।
वसिओ नरएसु जिओ हणहणघणघोरसद्देसुं ॥ ३९६ ॥ ११४६. तिरिएसु व भेरवसद्दपक्खपरपक्खणत्थणसएसु ।
वसिओ उव्वियमाणो जीवो कुडिलम्मि संसारे ॥ ३९७॥ ११४७. मणुयत्तणे वि बहुविहविणिवायसहस्सभेसणघणम्मि ।
भोगपिवासाणुगओ वसिओ भयपंजरे जीवो ॥ ३९८॥ ११४८. वसियं दरीसु, वसियं गिरीसु, वसियं समुद्दमज्झेसु ।
रुक्खग्गेसु य वसियं संसारे संसरंतेणं ।। ३९९॥ ११४९. पीयं थणअच्छीरं सागरसलिलाओ बहुयरं होज्जा ।
संसारम्मि अणंते मॉईणं अण्णमण्णाणं ॥ ४००॥ ११५०. नयणोदगं पि तासिं सागरसलिलाओ बहुतरं होज्जा ।
गलियं रुयमाणीणं माईणं अण्णमण्णाणं ॥४०१ ॥
१. इभावे जय सं० ॥ २. उब्बंध पबंध बंध सा० ॥ ३. धूरे जे० । थूरे सा० ॥ ४. करवय जे० ॥ ५. °णच्छण° जे० सा०॥ ६. भवपं० सं० ॥ ७-८. माऊणं सं० ॥