Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 280

१२३
५. मरणविभत्तिपइण्णयं
[गा. २५८-६९. पंचमहव्वयरक्खा ] १००७. कोहं माणं मायं लोहं पिजं तहेव दोसं च ।
चइऊण अप्पमत्तो रक्खामि महव्वए पंच ॥ २५८॥ १००८. कलहं अब्भक्खाणं पेसुन्नं पि य परस्स परिवायं ।
परिवजितो गुत्तो रक्खामि महव्वए पंच ॥ २५९॥ १००९. किण्हं नीलं काऊ लेसा, झाणाणि अप्पसत्थाणि ।
परिवजेतो गुत्तो रक्खामि महन्वए पंच ॥ २६० ॥ १०१०. तेऊ पन्हं सुकं लेसं, झाणाणि सुप्पसत्याणि ।
उवसंपन्नो जुत्तो रक्खामि महव्वए पंच ॥ २६१ ॥ १०११. पंचिंदियसंवरणं पंचेव निलंभिऊण कामगुणे ।
अचासायणविरओ रक्खामि महव्वए पंच ॥ २६२॥ १०१२. सत्तभयविप्पमुक्को चत्तारि निरंभिऊण य कसाए।
अट्ठमयट्ठाणजढो रक्खामि महन्वए पंच ॥ २६३ ॥ १०१३. मणसा मणसञ्चविऊ वायासच्चेण करणसच्चेण ।
तिविहेण अप्पमत्तो रक्खामि महव्वए पंच ॥ २६४॥ १०१४. एवं तिदंडविरओ तिकरणसुद्धो तिसल्लनिस्सलो।
तिविहेण अप्पमत्तो रक्खामि महव्वए पंच ॥ २६५ ॥ १०१५. सम्मत्तं समिईओ गुत्तीओ भावणाओ नाणं च ।
उवसंपन्नो जुत्तो रक्खामि महव्वए पंच ॥ २६६॥ १०१६. संगं परिजाणामी, सलं पि य उद्धरामि तिविहेणं ।
गुत्तीओ समिईओ मज्झं ताणं च सरणं च ॥ २६७॥ .. १०१७, जह खुहियचक्कवाले पोयं रयणभरियं समुद्दम्मि ।
निजामया धरती कयकरणा बुद्धिसंपण्णा ॥ २६८॥ १०१८. तवपोयं गुणभरियं परीसहुम्मीहि धणियमाइद्धं ।
तह आराहिंति विऊ उवएसऽवलंबगा धीरा ॥ २६९॥
१. पम्हा सुका ले पु०॥ २. °साणविरहिओ सं० ॥