Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 266

५. मरणविभत्तिपइण्णयं
८५०. जह बालो जंपतो कज्जमकज्जं च उज्जुयं भणइ । तं तह आलोएज्जा माया-मयविप्पमुक्की यें ॥ १०१ ॥ ८५१. कयपावो वि मणूसो आलोइय निंदिउं गुरुसगासे ।
होइ अइरेगलहुओ ओहरियभरो व्व भारवहो ॥ १०२ ॥ ८५२. लज्जाए गारवेण य जे नाऽऽलोयंति गुरुसगासम्म |
धंतं पि सुयसमिद्धा न हु ते आराहगा होति ॥ १०३ ॥ ८५३ . जह सुकुसलो वि विज्जो अन्नस्स कहेइ अंतणो वाहिं । तं तह आलोयव्वं सुड्डु वि ववहारकुसलेणं ॥ १०४ ॥ ८५४. जं पुव्वं तं पुव्वं, जहाणुपुवि जहक्कमं सव्वं ।
आलोन सुविहिओ कम - कालविहिं अभिदंतो ॥ १०५ ॥ ८५५. अत्तं-परजोगेहि य एवं समुवट्ठिए पओगेहिं ।
अमुगेहि य अमुगेहि य अमुयगसंठाण - करणेहिं ॥ १०६ ॥ ८५६. वण्णेहि य चिंधेहि य सहप्फरिस - रस- रूव-गंधेहिं ।
पडि सेवा कया पज्जवेहिं कज्जेहि जेहिं च ॥ १०७॥ ८५७. जो जोगओ य परिणामओ य दंसण चरित्तअइयारो । छट्ठाणबाहिरो वा छट्ठाण अंतरो वा वि ॥ १०८ ॥ ८५८. तं उजुभावपरिणओ रागं दोसं च पयणु काऊणं । तिविहेण उद्धरिज्जा गुरुपामूले अगूहिंतो ।। १०९ ॥ ८५९. नै वि तं सत्थं व विसं व दुप्पउत्तो व कुणइ वेयालो । जंतं व दुप्पउत्तं, सप्पो व माइणो कुद्धो ॥ ११० ॥
८६०. जं कुणइ भावसलं अणुद्धियं उत्तिमट्ठकालम्मि | दुलहबोहीयत्तं अनंत संसारियत्तं च ॥ १११ ॥
८६१. तो उद्धरंति गारवरहिया मूलं पुणग्भवलयाणं । मिच्छादंसणसलं मायासलं नियाणं च ॥ ११२ ॥
१. उज्जयं जे० ॥ २. उ सं० ॥ ३. अच्पणो सं० ॥ ४. पणणुएऊणं जे० सं० ॥ ५. न वि तं विसं व सत्थं व दु° सं० ॥ ६. पमाइलो कु° जे० सं० ॥
१०९
१०
१५
२०