________________
१. देविदत्थओ २५५. तत्थ य नीला लोहिय हालिदा सुकिला विरायंति ।
छ च सए उन्विद्धा पासाया तेसु कप्पेसु ॥ २५५॥ २५६. तत्थाऽऽसणा बहुविहा, सयणिज्जा य मणिभत्तिसयचित्ता ।
विरइयवित्थडदूसा, रयणामयदामऽलंकारा ॥२५६ ॥ २५७. पण्णावीसं जोयणसयाई पुढवीण होइ बाहलं ।
बंभय-लंतयकप्पे रयणविचित्ता य सा पुढवी ॥ २५७॥ २५८. तत्थ विमाण बहुविहा पासाया य मणिवेइयारम्मा ।
वेरुलियथूभियागा रयणामयदामऽलंकारा ॥२५८ ॥ २५९. लोहिय हालिद्दा पुण सुक्किलवण्णा य ते विरायति ।
सत्तसए उविद्धा पासाया तेसु कप्पेसु ॥२५९॥ २६०. तत्थाऽऽसणा बहुविहा, सयणिज्जा य मणिभत्तिसयचित्ता ।
विरइयवित्थडदूसा, रयणामयदामऽलंकारा ॥ २६०॥ २६१. चउवीस जोयणसयाई पुढवीणं तासि होइ बाहलं ।
सुक्के य सहस्सारे रयणविचित्ता य सा पुढवी ॥ २६१॥ २६२. तत्थ विमाण बहुविहा पासाया य मणिवेइयारम्मा ।
वेरुलियथूभियागा, रयणामयदामऽलंकारा ॥ २६२ ॥ २६३. हालिद्दभेयवण्णा सुक्किलवण्णा य ते विरायंति ।
अट्ठसते उव्विद्धा पासाया तेसु कप्पेसु ॥२६३॥ २६४. तत्थाऽऽसणा बहुविहा, सयणिज्जा य मणिभत्तिसयचित्ता ।
विरइयवित्थडदूसा, रयणामयदामऽलंकारा ॥ २६४॥ २६५. तेवीस जोयणसयाइं पुढवीणं तासि होइ बाहलं ।
आणय-पाणयकप्पे आरण-ऽचुए रयणविचित्ता उ सा पुढवी ॥२६५॥
१. २५५ गाथोत्तरार्धत आरभ्य २६१ पर्यन्ता गाथाः सं० हं० न सन्ति ॥ २. २५८ गाथातः २६१ पर्यन्ता गाथाः प्रतिषु न वर्तन्ते। किञ्चास्माभिरस्मिन् संशोधनेऽनङ्गीकृते ला० द. विद्यामन्दिरसत्के एकस्मिन्नादर्शे एता गाथा उपलभ्यन्ते। श्रीमद्भिः सागरानन्दसूरिभिरपि एतादृशादर्शान्तरादेताः गाथा उपलब्धाः सन्ति ॥ ३. इयं गाथा कुत्राप्यादर्श न दृश्यते।
Jain Education International
For Private & Personal Use Only
www.jainelibrary.org
