Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 166

१. देविदत्थो ५७. एक्काए जलुम्मीए जंबुद्दीवं भरेज जलकंतो ।
तं चेव समरेगं जलप्पभे होइ बोद्धव्वं ॥५७ ॥ ५८. अमियगइस्स वि विसओ जंबुद्दीवं तु पायपण्हीए ।
कंपेज निरवसेसं, इयरो पुण तं समइरेगं ॥ ५८॥ ५९. एक्काए वायगुंजाए जंबुदीवं भरेज वेलंबो ।
तं चैव समइरेगं पमंजणे होइ बोद्धव्वं ॥ ५९॥ ६०. घोसो वि जंबुदीवं सुंदरि ! एक्केण थणियसद्देणं ।
बहिरीकरिज्ज सव्वं, इयरो पुण तं समइरेगं ॥ ६० ॥ ६१. एकाए विज्जुयाए जंबुद्दीवं हरी पयासेज्जा ।
तं चेव समइरेगं हरिस्सहे होइ बोद्धव्वं ॥ ६१॥ ६२. एक्काए अग्गिजालाए जंबुदीवं डहेज अग्गिसिहो ।
तं चेव समइरेगं माणवए होइ बोद्धव्वं ॥ ६२ ॥ ६३. तिरियं तु असंखेजा दीव-समुद्दा सएहिं रूवेहिं । .
अवगाढा उ करिजा सुंदर ! एएसि एगयरो ॥ ६३॥ ६४. पभू अन्नयरो इंदो जंबुद्दीवं तु वामहत्थेणं ।
छत्तं जहा धरेज्जा अयत्तओ मंदरं चित्तुं ॥ ६४ ॥ ६५. जंबुद्दीवं काऊण छत्तयं, मंदरं च से दंडं ।
पभू अन्नयरो इंदो, एसो तेसिं बलविसेसो ॥६५॥ ६६. एसा भवणवईणं भवणठिई वन्निया समासेणं ।
सुण वाणमंतराणं भवणठिई आणुपुव्वीए ॥६६॥
[गा. ६७-८०. वाणमंतरदेवाहिगारो]
[गा. ६७-६८. वाणमंतराणं अट्ठ भेया] ६७. पिसाय १ भूया २ जक्खा ३ य रक्खसा ४ किन्नरा ५य किंपुरिसा ६।
__ महोरगा ७ य गंधव्वा ८ अट्ठविहा वाणमंतरिया ॥ ६७॥
१. अत्र वाणमंतर शब्देन व्यन्तर-वानव्यन्तरसङ्ग्रहो ज्ञातव्यः ॥