________________
नवमं नमिपवजाअज्झयणं २२९. चइऊण देवलोगाओ उववण्णो माणुसम्मि लोयम्मि ।
उवसंतमोहणिज्जो सरई पोरोणियं जाइं ॥१॥ २३०. जॉइं सरितु भगवं सहसंबुद्धो अणुत्तरे धम्मे ।
पुत्तं ठवित्तु रज्जे अभिनिक्खमई नमी राया ॥२॥ २३१. सो देवलोगसरिसे अंतेउरवरगओ वरे भोए ।
भुंजितुं नमी राया बुद्धो भोए परिचयइ ॥३॥ २३२. मिहिलं सपुरजणवयं बलमोरोहं च परिजणं सव्वं ।
चेची अभिनिक्खंतो एगंतमहिडिओ भयवं ॥४॥ २३३. कोलाहलगन्भूतं आसी मिहिलाए पव्वयंतम्मि ।
तइया रायरिसिम्मि नमिम्मि अभिनिक्खमंतम्मि ॥५॥ २३४. अब्भुट्टियं रायरिसिं पव्वजाठाणमुत्तमं ।
सक्को माहणरुवेणं इमं वयणमब्बवी ॥६॥ २३५. किं णु भो ! अन्ज मिहिलाए कोलाहलगसंकुला ।
सुव्वंति दारुणा सदा पासाएसु गिहेसु य १ ॥७॥ २३६. एयमढे निसामेत्ता हेऊ-कारणचोइओ।
ततो नमी रायरिसी देविंदं इणमब्बवी ॥ ८॥ २३७. मिहिलाए चेइए वैच्छे सीयच्छाए मणोरमे।
पत्त-पुप्फ-फलोवेए बहूर्ण बहुगुणे सया ॥९॥
१५
१. सरइ सं १॥२. पोराणयं सं ११० । पोराणिइं ला१सं० ला २ ॥ ३. जायं सं २ शापा०॥ ४. जाई ह० ॥५. से शापा० ॥ ६. भोत्तूण चूपा० ॥ ७.बुद्धे ह० ॥ ८. परिवजइ सं २ । परिश्चयई शा० ॥ ९. बलमवरोह ह० ॥ १०. परियणं सं १ विना ॥ ११. चिश्चा सं १ विना ॥ १२, १४, १८. महिलाए सं २॥ १३. °णवेसेणं सं १ शापा० । 'णरूवेण सं २॥. १५. म पु० पा० ॥ १६. हेउ ह. पा०॥ १७. °सी इमं वयणमब्बवी सं १॥ १९. "सूत्रत्वाद् 'हि'लोपे वृक्षैः" इति पाटी० नेटी०, नवरं पाइयटीकायां ‘हिलोपे' इत्येतत्स्थाने 'हिशब्दलोपे' इति वर्तते ॥
Jain Education International
For Private & Personal Use Only
www.jainelibrary.org
