________________
पंचमं अकाममरणिजं अज्झयणं
१३०, अन्नवंसि महोहंसि एंगे तिन्ने दुरुत्तरं ।
तत्थ एगे महापन्ने इमं पैण्हमुदाहरे ॥१॥ १३१. संतिम य दुवे ठाणा अक्खाया मारणंतिया ।
अकाममरणं चेव सकाममरणं तहा ॥२॥ १३२. बोलाणं अकामं तु मरणं असइं भवे ।
पंडियाणं सकामं तु उक्कोसेण सइं भवे ॥३॥ १३३. तत्थिमं पढमं ठाणं महावीरेण देसियं ।
कामगिद्धे जहा बाले भिसं कुँराई कुव्वई ॥ ४॥ १३४. जे गिद्धे काम-भोगेसु एगे कूडाय गच्छई ।
न मे दिढे परे लोए चक्खुदिट्ठा इमा रई ॥५॥ १३५. हत्थागया इमे कामा कालिया जे अणागया ।
को जाँणइ परे लोए अत्थि वा नत्थि वा पुणो ? ॥६॥ १३६. 'जणेण सद्धिं होक्खामि' ईइ बाले पगब्मई ।
काम-भोगाणुरागेणं केसं संपंडिवर्जेई ॥७॥ १३७. तओ से दंडं समारभई तसेसु थावरेसु य ।
अट्ठाए य अणट्ठाए भूयगाम विहिंसई ॥८॥
१५
१. महोघंसि शा० पाटी० ॥ २. एगो तरति दुत्तरं चू०, एगो तिण्णो दुरुत्तरं चूपा० । एगे तरइ दुरु° पा० पाटी०, एगे तिण्णे दुरु° पाटीपा० ॥ ३. 'दुरुत्तरं ति विभक्तिव्यत्ययाद् दुरुत्तरे' इति नेटी० पाटी०॥ ४. पट्टमु चू० पाटी०, पण्हमु चूपा० पाटीपा०॥५. संति खलु दुवे चू० । संति मेए दुवे पाटीपा०, तथा च पाइयटीका-'पठ्यते च–संति मेए त्ति, स्त एते, मकारोऽलाक्षणिकः' ॥ ६. आखाया शापा० ॥ ७. मारणंतिए पाटी० । मरणंतिया शा०॥ ८. तथा चू०॥ ९. बालाण य अ° पु० ह। बालाणं तु म° शा०॥ १०. कूराणि पा० ॥ ११. कुवइ सं१ ने०। कुव्वति पा० ॥ १२. कूडाइ ह० ॥ १३. गच्छह सं१ ने० पा० ॥ १४. जाणाइ चू० ॥ १५. हुक्खामि ला१ ला२ पु० ह०॥ १६. इई सं१॥ १७. भइ सं१ पा० ने० ॥ १८. जइ सं१ पा० ने० ॥ १९. अट्टाए अणट्ठाए य भू चू०॥ २०. अणट्ठाय भू सं१ ॥ २१. °सइ सं१ पा० ने०॥
Jain Education International
For Private & Personal Use Only
www.jainelibrary.org
