________________
दसवेयालियसुत्ते
[सु०३९८३९८. तणरुक्खं न छिंदेज्जा फलं मूलं व कस्सइ ।
आमगं विविहं बीयं मणसा वि न पत्थए ॥ १० ॥ ३९९. गहणेसु न चिडेजा बीएसु हरिएसु वा ।
उदगम्मि तहा निचं उत्तिंग-पणगेसु वा ॥११॥ ४००. तसे पाणे न हिंसेज्जा वाया अदुव कम्मुणा।
उवरओ सव्वभूएसु पासेन्ज विविहं जगं ॥१२॥ ४०१. अट्ठ सुहुमाइं पेहाए जाइं जाणित्तु संजए।
दयाहिगारी भूएसु आस चिट्ठ सँएहि वा ॥१३॥ ४०२. कयराइं अट्ठ सुहुमाइं १ जाँई पुच्छेन्ज संजए। ___इमाइं ताई मेहावी आइक्खेज विर्यक्खणे ॥१४॥ ४०३. सिणेहं १ पुप्फसुहुमं २ च पाणुत्तिंगं ३-४ तहेव य ।
पणगं ५ बीय ६ हरियं ७ च अंडसुहुमं ८ च अट्ठमं ॥१५॥ ४०४. एवमेयौणि जाणित्ता सव्वभावेण संजए ।
अप्पमते जए निचं सव्विंदियसमाहिए ॥१६॥ ४०५. धुवं च पडिलेहेजा जोगसा पाय-कंबलं ।
सेन्जमुच्चारभूमिं च संथारं अदुवाऽऽसणं ॥ १७॥ ४०६. उच्चारं पासवणं खेलं सिंघाण जलियं ।
फासुयं पडिलेहिता परिट्ठावेज संजए ॥१८॥ ४०७. पविसित्त परागारं पाणट्ठा भोयणस्स वा।
जयं चिढ़े, मियं भीसे, न य रूवेसु मणं करे ॥१९॥
१. रुक्खे न अचू० ॥ २. °स्सई खं २ जे० शु० । °स्सति अचू०॥ ३. गहणम्मि न अचू० वृ०॥ ४. तसपाणे खं २-४ जे० अचू० हाटी० ॥ ५. अदुय खं १ जे०॥ ६. 'माइं मेधावी पडिलेहेत्तु संजते। दयाधिकारी अचू० ॥ ७. सय त्ति वा अचू० ० हाटी० ॥ ८. नास्त्ययं ४०२ तमः सूत्रश्लोको वृद्धविवरणे ॥ ९. कतमाणि अट्ट सुहुमाणि जाणि पुच्छेज णं परो। इमाइं अचू०॥ १०. जायं पु° खं ४ ॥ ११. मायक्खे खं ४ । आदिक्खे ° अचू० ॥ १२. विचक्खणे जे० । वियक्खणो अचू०॥ १३. °याई जा खं ३-४॥ १४. °मत्तो खं १-२-३-४ जे०॥ १५. रभावं च खं ४ ॥ १६. हित्तु प० जे० अचू० ॥ १७. पाणत्या अचू०॥ १८. जतं अचू०॥ १९. भासे, णो रू° अचू० । भासे, न रू° खं ३॥
Jain Education International
For Private & Personal Use Only
www.jainelibrary.org
