Page Text
________________
१४
दसवेयालियसुत्ते
[सु० ५४
बीएसु वा बीयपट्ठेसु वा रूढेसु वा रूढपंइडेसु वा जीएसु वा जायपरट्ठेसु वा हरिएसु वा र्हैरियपइट्ठेसु वा छिन्नेसु वा छिन्नपइट्टेसु वा सच्चित्तेसु वा सच्चित्तकोलपेंडिनिस्सिएस वा, न गच्छेजा न चिट्ठेजा न निसीएैज्जा न तुयट्टेज्जा, अन्नं न गच्छावेज्जा न चिट्ठावेजा न निसीयांवेज्जा न तुयट्टावेजा, अन्नं गच्छंतं वा "चिट्ठतं वा "निसीयंतं वा तुयट्टंतं वा न समणुजणेज्जा । जावज्जीवाए तिविहं "तिविहेणं, मणेणं वायाए काएणं, न करेमि न कारवेमि करेंतं पि अन्नं न समणुजाणामि, तस्स भंते ! पडिक्कमामि निंदामि गैरहामि अप्पाणं वोसिरामि ।। २२॥
५४. से भिक्खू वा भिक्खुणी वा संजय - विरय-पडिहय-पच्चक्खायपावकम्मे दिया वा राओ वा एगओ वा परिसागओ वा सुत्ते वा जागरमाणे वा, से १० कीडं वा पयंगं वा कुंथुं वा "पिवीलियं वा त्यंसि वा पायंसि वा बहुंसि वा
१. बीतपतिट्ठितेसु अचू० । बीयपट्ठिएसु खं ३॥ २. पतिट्ठितेसु अचू० । पइट्ठिएस खं ३ ॥ ३. जातेसु वा जातपतिट्ठितेसु अचू० ॥ ४. हरितपतिट्ठितेसु अचू० ॥ ५. छिण्णपतिट्ठितेसु वा सच्चित्तकोलपडिणिस्सितेसु अचू० ॥ ६. पइणिस्सितेसु खं ३ । पट्ठेसु खं १॥ ७. णिसीदेज्जा अचू० निसिएज्जा' खं १-२-४ जे० ॥ ८. निसिया जे० खं १-२-४। णिसिदावे° अ० ॥ ९. अण्णं पिग° अ० ॥ १०. चिद्वैतं खं ३ ॥ ११. जिसीदंतं अचू० । निसियंतं खं १-२-४ जे० ॥ १२. तुयद्वेत खं ३ ॥ १३. जाणामि । जाव खं १-२-४ जे० ॥ १४. तिविहेण मणसा वयसा कायसा ण क° अचू० ॥ १५. गरिहामि शु० ॥ १६. दिता वा रातो वा सुत्ते वा जागरमाणे वा एगतो वा परिसागतो वा, से कीडं अचू० ॥ १७. पिपीलियं शु० ॥ १८. हत्थे सिवा पादे सिता बाहे सिता उरे सिता सीसे सिता ऊरू सिता उदरे सिवा पाते सिता रथहरणे सिता गोच्छगे सिता डंडगे सिता कंबले सिता उंदुए सिता पीढगे सिता फलगे सिता सेज्जगे सिता संथारगे सिता अण्णतरे सिता तं संजयामेव अचूपा० ॥ १९. बाहंसि वा उरंसि वा सीसंसि वा ऊरुंसि वा उदरंसि वा पातंसि वा स्यहरणंसि वा गोच्छगंसि वा डंडगंसि वा कंबलंसि वा उदुयंसि वा पीढगंसि वा फलगंसि वा सेजसि वा संथारगंसि वा अण्णतरंसि वा, तं संजतामेव एकंते अवणेज्जा, णो णं संघायमावाएजा अचू० । बाहुंसि वा ऊरुंसि वा सेज्जगंसि वा संथारगंसि वा अग्गतरंसि वा, तओ संजयामेव एगंतमवणेज्जा, णो णं संघातमावज्जइ एतत्पाठानुसारेण वृद्ध विवरणकृता व्याख्यातं वर्तते । श्रीहरिभद्रपादैस्तु - बाहुंसि वा ऊस वा उदरंसि वा वयंसि वा रयहरणंसि वा गुच्छगंसि वा उंडगंसि वा दंडगंसि वा पीढमंसि वा फलगंसि वा सेज्जगंसि वा संथारगंसि वा अन्नयरंसि वा तहप्पगारे उवगरणजाए, तभ संजयामेव पडिलेहिय पडिलेहिय पमज्जिय पमज्जिय एगंतमवणेज्जा, नो ण संघायमावज्जेजा इति पाठानुसारेण व्याख्यातं ज्ञायते । बाहुंसि (बाहंसि खं १) वा ऊरुंसि वा उदरंसि वा सीसंसि वा वयंसि वा पडिग्गहंसि वा कंबलंसि वा पायपुंछणंसि वा रयहरणंसि वा गोच्छगंसि वा उंडुयंसि वा (अंग्रे हरिभद्रसमः पाठः) खं १ शु० । बाहुंसि वा ऊरुंसि वा उदरंसि वा सीसंसि वा डिग्गहंसि वा वत्थंसि वा रयहरणंसि वा गोच्छंसि वा कंबलंसि वा पायपुंछणंसि वा
Jain Education International
For Private & Personal Use Only
www.jainelibrary.org
| SR No. | 001026 |
| Book Title | Dasveyaliya Uttarjzhayanaim Avassay suttam |
| Original Sutra Author | Shayyambhavsuri, Pratyekbuddha, Ganadhar |
| Author | Punyavijay, Amrutlal Bhojak |
| Publisher | Mahavir Jain Vidyalay |
| Publication Year | 1977 |
| Total Pages | 759 |
| Language | Prakrit |
| Classification | Book_Devnagari, Agam, Canon, Ethics, agam_aavashyak, agam_dashvaikalik, & agam_uttaradhyayan |
| File Size | 11 MB |