Page Text
________________
१२३] सोलसमं अज्झयणं 'अवरकंका'
२९७ तते णं से पुवसंगतिए देवे पउमनाभं एवं वयासी-नो खलु देवाणुप्पिया ! एतं भूतं वा भवं वा भविस्सं वा जं णं दोवती देवी पंच पंडवे मोत्तण अन्नेण पुरिसेण सद्धिं ओरालातिं जाव विहरिस्सति । तहा वि य णं अहं तव पियट्ठताए दोवतिं देविं इहं हव्वमाणेमि ति कट्ठ पउमणाभं आपुच्छइ, २ ता ताए उक्किट्ठाए जाव लवणसमुदं मझमझेणं जेणेव हत्थिणाउरे णयरे तेणेव पहारेत्थ गमणाए। ५
ते णं काले णं ते णं समए णं हत्थिणाउरे हुहिट्ठिले राया दोवतीए देवीए सद्धिं उप्पिं आगासतलंसि सुंहपसुत्ते यावि होत्था । तए णं से पुव्वसंगतिए देवे जेणेव जुहिहिले राया, जेणेव दोवती देवी तेणेव उवागच्छइ, २ ता दोवतीए देवीए ओसोवणिं दैलयति, २ ता दोवतिं देवि गेण्हइ, २ ता ताए उक्किट्ठाए जाव जेणेव अवरकंका जेणेव पउमणाभस्स भवणे तेणेव उवागच्छइ, २ ता १० पउमणाभस्स भवणंसि असोगवणियाए दोवतिं देवि ठावेति, २ ओसोवणिं अवहरति, २ ता जेणेव पउमणाभे तेणेव उवागच्छति, २ एवं वयासी-एस णं देवाणुप्पिया! मए हथिणाउराओ दोवती देवी इहं हव्वमाणीया तव असोगवणियाए चिट्ठति, अतो परं तुमं जाणसि ति कट्ट जामेव "दिसं पाउन्भूते तामेव "दिसं पडिगते।
तते णं सा दोवती देवी ततो मुहुत्तंतरस्स पडिबुद्धा समर्माणी तं भवणं असोगवणियं च अचभिजाणमाणी एवं वयासी–नो खलु अम्हं एसे सए भवणे, णो खलु एसा अम्हं सगा असोगवणिया, तं ण णज्जति "णं अहं केणइ देवेण वाँ दाणवेण वा किंपुरिसेण वा किन्नरेण वा महोरगेण वा गंधव्वेण वा अन्नस्स रण्णो असोगवणियं साहरिय त्ति कटु ओहयमणसंकप्पा जाव झियायति ।
२० तते णं से पउमणाभे राया ण्हाए जाव सव्वालंकारविभूसिए अंतेउरपरियालसंपरिबुडे जेणेव असोगवणिया जेणेव दोवती देवी तेणेव उवागच्छति, २ त्ता दोवतिं देवि ओहयमण जाव झियायमाणिं पासति, २त्ता एवं वयासी-किं णं
१. दृश्यतां पृ० ३० पं० १०॥ २. पाहा हे १ जे १ विना ॥ ३. जुहिटिल्ले हे १॥ ४. उप्पि आगासतंसि जे १॥ ५. सुहप्प हे २॥ ६. भोसोयणि हे १ । ओसोवणि जे १ । दृश्यतां टि० ९॥ ७. दलयइत्ता २ जे १। दलइत्ता हे १॥ ८. अमर' हे १ जे १ विना ॥ ९. ओसोयणिं हे १। दृश्यतां टि०६॥ १०. दिसिं जे १ विना॥ ११. दिसिं हे १ जे १ विना॥ १२. °णी यं भवणं हे २॥ १३. गं अहं नास्ति हे १ जे१॥ १४. वा किंपुरिसेण वा महोरगेण वा खं१। वा दागवेग वा किंरिसेण वा महोरगेण वा हे २। वा दाणवेण वा किंनरेण वा महोरगेण वा हे १ जे १॥ १५. दृश्यतां पृ० २९९ पं० १॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |