Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 422

२५७
१०७]
सोलसमं अज्झयणं 'अवरकंका' करतलम्मि आसाएइ, २ तं खारं कडुयं अखजं विसंभूयं जाणित्ता एवं वदासिधिरत्थु णं मम नागसिरीए अहन्नाए अपुण्णाए दूभगाए दूभगसत्ताए दूभगणिबोलियाए, जाए णं मए सालइए बहुसंभारसंभिए नेहावगाढे उवक्खडिए, सुबहुदव्वक्खए ये नेहक्खए य कए, तं जति णं ममं जाउयाओ जाणिस्संति तो णं ममं खिंसिस्संति ४ । तं जीव ममं जाउयाओ ण जाणंति ताव मम सेयं एयं ५ सालतियं तित्तलाउयं बहुसंभारणेहकयं एगते गोवेत्तए, अन्नं सोलइयं महुरालाउयं जाव नेहावगाढं उवक्खडेत्तए, एवं संपेहेति, २ ता तं सालतियं जाव गोवेइ, २ अन्नं सालतियं महरालाउयं उवक्खडेइ, २ तेसिं माहणाणं ण्हायाणं जाव सुहासणवरगयाणं तं विपुलं असण-पाण-खाइम-साइमं परिवेसेति । तते णं ते माहणा जिमितभुत्तुत्तरागया समाणा आयंता चोक्खा परमसूइभूया सकम्मसंपउत्ता जाया यावि १० होत्था। तते णं ताओ माहणीओ व्हायाओ जाव विभूसियाओ तं विपुलं असणपाण-खाइम-साइमं आहारेंति, २ जेणेव सयाइं सयाइं गेहाइं तेणेव उवागच्छंति, २ सकम्मसंपउत्तातो जायातो।
१०७. ते णं काले णं समए णं धम्मघोसा नाम थेरा जाव बहुपरिवारा जेणेव चंपा नाम नगरी जेणेव सुभूमिभागे उज्जाणे तेणेव उवा गच्छंति], २ अहापडिरूवं १५ जाव विहरंति । परिसा निग्गया, धम्मो कहिओ, परिसा पडिगया। तए णं तेसिं धम्मघोसाणं थेराणं अंतेवासी धम्मरुई नाम अणगारे ओराले जाव तेलस्से मासंमासेणं खममाणे विहरति । तते णं से धम्मरुई अणगारे मासखमणपारणगसि
१. करयलंसि जे १॥ २. अक्खज्ज हे १॥ ३. विसब्भूयं हे ३ खं१। विसभूयमिति हे १ जे१॥ ४. "दूभगसत्ताए ति दुर्भगः सत्त्वः प्राणो यस्याः सा तथा, दूभगनिंबोलियाए त्ति निम्बगुलिकेव निम्बफलमिव अत्यनादेयत्वसाधात् दुर्भगानां मध्ये निम्बगुलिका दुर्भगनिम्बगुलिका, अथवा दुर्भगानां मध्ये निर्दोलिता निमजिता दुर्भगनिर्बोलिता"-अटी०॥५. संभीए हे२॥ ६. य जे १ हे १ विना नास्ति॥ ७. जायाओ लो। “जाउयाओ ति देवराणां जाया भार्या इत्यर्थः"-अटी०॥ ८. तो णं मए खं१। ता गं मए लों०॥ ९. अयं '' इत्यङ्कः खं १ हे १ ला १ विना नास्ति । अत्र ४ इत्यङ्केन खिसिस्संति निंदिस्संति गरहिस्संति परिभविस्संति इति पाठो विवक्षितो भाति॥ १०. जाव ताव मम जातोउयाओ ला१ जे१। जाव ताव ममं जातोउयामो खं१॥ ११. सालईयं हे २ । एवमग्रेऽपि । सालाइयं ॥ १॥ १२. सालाइ हे १ जे १ । एवमग्रेऽपि ॥ १३. महुरालाउयं नास्ति हे १, २, खं १ जे १॥ १४. असणं ४ परि जे १ हे १ । असणं पाणं खाइमं साइमं परि' हे २। असण ४ परि° जे १ हे १, २ विना ॥ १५. असगं ४ जाव माहा जे १ हे १। असण ४ आहा जे १ हे १ विना॥ १६. उवा २ महा' इति प्रतिषु पाठः॥ १७. तेउलेस्से सं १ ला ३ हे ४ ॥