________________
१०५] पन्नरसमं अज्झयणं णंदिफले'
२५५ तते णं से धणे सगडीसागडं जोयावेति, २ जेणेव अहिच्छत्ता नगरी तेणेव उवागच्छति, २ अहिच्छत्ताए नयरीए बहिया अग्गुजाणे सत्थनिवेसं करेति, २ सगडीसागडं मोयावेइ । तए णं से धणे सत्थवाहे महत्थं महग्धं महरिहं रायरिहं पाहुडं गेण्हइ, २ बहूहिं पुरिसेहिं सद्धिं संपरिखुडे अहिच्छत्तं नगरिं मझमझेणं अणुपविसइ, २ जेणेव कणगकेऊ राया तेणेव उवागच्छति, २ करयल जाव । वद्धावेइ, २ तं महत्थं महग्यं महरिहं पाहुडं उवणेति । तए णं से कणगकेऊ राया हट्टतुट्टे धणस्स सत्थवाहस्स तं महत्थं महग्धं महरिहं जाव पडिच्छइ, धणं सत्थवाहं सकारेति सम्माणेति, २ उस्सुकं वियरति, २ पडिविसज्जेइ ।
तेए णं से धणे भंडविणिमयं करेइ, २ परिभंडं गेण्हति, २ सुहंसुहेणं जेणेव चंपानयरी तेणेव उवागच्छति, २ मित्त-नाति[-णियग-सयण-संबंधि-परिजणेण १० सद्धिं] अभिसमन्नागते विपुलाई माणुस्सगाई जाव विहरति ।
ते णं काले णं ते णं समए णं थेरागमणं, धणे धम्मं सोचा जेट्टपुत्तं कुटुंबे ठवेत्ता पव्वइए, सामाइयमाइयाई एक्कारस अंगाई [अहिन्जित्ता], बहूणि वासाणि [सामण्णपरियागं पाउणित्ता] मासियाए सं[लेहणाए अप्पाणं झोसेत्ता] अन्नतरेसु देवलोएसु देवत्ताए उववन्ने, महाविदेहे वासे सिज्झिहिति जाव अंतं कैरेहिति । १.
एवं खलु जंबू ! समणेणं भगवया महावीरेणं पन्नरसमस्स नायज्झयणस्स अयमढे पण्णत्ते त्ति बेमि।
॥ पन्नरसमं णायज्झयणं संम्मत्तं ॥
१. महत्थं ३ राय इति प्रतिषु पाठः। दृश्यतां पृ० ४१५०१। पृ० १२४ टि. १॥ २. बहुपुरिसेहिं हे २ विना ॥ ३. महत्थं ३ इति प्रतिषु पाठः। दृश्यतां पृ० ४१ पं० १॥ १. उस्सुक्कं सं१ ला २,३, हे ४॥ ५. तए णं से धणे हे २ विना नास्ति ॥ ६. सामाईयमाईयाई एक्कारस हे २ ला १। एक्कारसमाइयाई खं १॥ ७. अंगागि हे २॥ ८. वासाणि जाव मासियाए हे १ जे १॥ ९. करेहि हे १॥ १०. संमत्तं। ग्रं ४३३८॥-सं १ । संमत्तं। ग्रं ४३३७-हे४॥
Jain Education International
For Private & Personal Use Only
www.jainelibrary.org
