Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 404

२३९
९७]
चोदसमं अज्झयणं 'तेतली' रहस्सिययं चैव सारक्खमाणीए संगोवेमाणीए विहरित्तए त्ति कट्टु एवं संपेहेति, २ तेयलिपुत्तं अमचं सदावेति, २ एवं वदासी–एवं खलु देवाणुप्पिया ! कणगरहे राया रज्जे य जाव वियंगेति, तं जति णं अहं देवाणुप्पिया ! दारगं पयायामि, तते णं तुमं कणगरहस्स रहस्सिययं चेव अणुपुव्वेणं सारक्खमाणे संगोवेमाणे संवड़ेहि, तते णं से दारए उम्मुक्कबालभावे जाव जोव्वणगमणुप्पत्ते तव य मम य भिक्खा- ५ भायणे भविस्सति । तते णं से तेयलिपुत्ते अमचे पउमावतीए एयमह पडिसुणेति, २ ता पडिगए।
तते णं पउमावती य देवी पोट्टिला य अमची सममेव गभं गेहंति, सममेव परिवहति । तते णं सा पउमावती नवण्हं मासाणं जाव पियदंसणं सुरूवं दारगं पयाया। जं रयणिं च णं पउमावती दारयं पयाया तं रयणिं च णं पोट्टिला वि १० अमची नवण्हं मासाणं विणिहायमावन्नं दारियं पयाया।
तते णं सा पउमावती देवी अम्मधातिं सद्दावेति, २ ता एवं वदासी—गच्छह णं तुमे अम्मो! तेयलिपुत्तं रहस्सिययं चेव सदावेहि। तते णं सा अम्मधाती तहत्ति पडिसुणेति, २ ता अंतेउरस्स अवदारेणं निग्गच्छति, २ ता जेणेव तेयलि[ पुत्तस्स गिहे, जेणेव तेयलिपुत्ते तेणेव उवागच्छति,२ करयल जाव एवं १५ वदासी—एवं खलु देवाणुप्पिया ! पउमावती देवी सद्दावेति । तते णं तेयलिपुत्ते अम्मधातीए अंतिए एयमढे सोचा णिसम्मा हट्टतुट्टे अम्मधातीए सद्धिं सातो गिहातो णिग्गच्छति, २ अंतेउरस्स अवदारेणं रहस्सिययं चेव अणुपविसति, २ त्ता जेणेव पउमावती तेणेव उवागच्छति, २ ता करयल[परिग्गहियं दसणहं सिरसावत्तं मत्थए अंजलिं कटु] एवं वदासी-संदिसंतु णं देवाणुप्पिया ! जं मए २० कायव्वं । तते णं पउमावती तेतलिपुत्तं एवं वदासी–एवं खलु कणगरहे राया जाव वियंगेति, अहं च णं देवाणुप्पिया ! गवण्हं मासाणं दारगं पयाया, तं तुम णं देवाणुप्पिया! एतं दारगं गेण्हाहि जाव तव य मम य भिक्खाभायणे भविस्सति
१. सहस्सिगतं चेव जे १। रहस्सगतं चेव हे १। रह सिययं चेव सं १ ला २, ३ हे ४ ॥ २. "संरक्खमाणीए ति संरक्षन्त्याः आपदः, संगोपायन्त्याः प्रच्छादनतः"-अटी० ॥ ३. तव मम य जे १ हे १ विना ।। ४. भिक्खायभातणे सं १ लामू० ३ । “भिक्खाभायणे ति भिशाभाजनमिव भिक्षाभाजनम् , तदस्माकं भिक्षोरिव निर्वाहकारणमित्यर्थः”-अटी.॥५. सयमेव गम्भं गेण्हति। तए णं हे २॥ ६. अंबधाई हे २॥ ७. अंबधाईए हे २॥ ८.गेहातो हे २॥ ९. °विस्सइ हे २॥ १०. णवण्हं मासाणं जे १ हे १ विना नास्ति ।। ११. तव मम य हे १, २ जे १ विना। दृश्यतां पृ० २३९ टि०३||