Page Text
________________
१७६
णायाधम्म कहंगसुते पढमे सुयक्खंधे
[सू ७४
तुरियं जाव वेइयं जेणेव मिहिला तेणेव उवागच्छति, २ मिहिलं अणुपविसति, २ मिहिलाए दुवारा पिइ, २ रोहासज्जे चिट्ठति ।
तते णं ते जितसत्तुपामोक्खा छप्पि रायाणो जेणेव मिहिला तेणेव उवागच्छंति, २ मिलिं रायहाणि निस्संचारं णिरुच्चारं सव्वतो समंता ओरंभित्ताणं चिट्ठेति । ५ तते णं से कुंभए मिहिलं रायहाणिं ओरुद्धं जाणित्ता अब्भंतरियाए उवट्ठाणसालाए सीहा सणवरगए तेसिं जितसत्तुपामोक्खाणं छण्हं रातीणं छिद्दाणि विरहाणि य मम्माणि य अलभमाणे बहूहिं आएहि य उवाएहि य उप्पत्तियाहि य *४ बुद्धीहिं परिणामेमाणे २ किंचि औयं वा उवायं वा अलभमाणे ओहतमणसंकप्पे जाव झियायति । इमं च णं मल्ली विदे[हरायवरकन्ना ] ण्हाया जाव बहूहिं १० खुज्जाहिं परिवुडा जेणेव कुंभए तेणेव उवागच्छति, २ ता कुंभगस्स पायग्गहणं करेति । तते णं कुंभए राया मल्लिं विदेह [ रायवरकन्नं] णो आँढाति, नो परियाणाइ, तुसिणीए संचिट्ठति । तते णं मल्ली विदे [हरायवरकन्ना ] कुंभगं एवं वयासी - तुब्भे णं ताओ ! अण्णदा ममं एजमाणं जाव 'निवेसेह । किण्णं तुब्भं अज्ज ओहत जांव झिया यह ? तते गं से कुंभए मल्लिं वि[ देहरायवरकन्नं ] १५ एवं वयासी – एवं खलु पुत्ता ! तत्र कज्जे जितसत्तुपामोक्खेहिं छहिं रातीहिं दूया संपेसिया, ते णं मए असक्कारियां जाव निच्छूढा । तते णं ते जितसत्तु[पामोक्खा छप्पि रायाणो ] तेसिं दूयाणं अंतिए एयमहं सोचा परिकुविया समाणा मिहिलं रायहाणि निस्संचारं जाव चिट्ठेति । तते णं "हं पुत्ता ! तेर्सि जितसत्तुपाभोक्खाणं छहं राईणं अंतराणि अलभमाणे जाव झियामि ।
तते णं सा मल्ली विदेह [रायवरकन्ना ] कुंभयं रायं एवं वयासी – माणं तुब्भे
२०
१. रोहसज्जे मु० ॥ २. अभि सं १ ला ३ हे १ ॥ ३. छिंदं वा विद्धं वा त्रिवरं वा मंमाणि य जे १ । दृश्यतां पृ० ७९ पं० १३, अत्रैव सूत्रेऽग्रे ' अंतराणि भलभमाणे' इति वक्ष्यते इत्यपि ध्येयम् ॥ ४. अत्र '४' इत्यङ्केन उप्पत्तियाहि य वेणइयाहि य कम्मयाहि य पारिणामियाहि य इति संपूर्णः पाठो ज्ञेयः । दृश्यतां पृ० ७ पं० ८, पृ० २६ पं० १८ ॥ ५. उवायं वा आयं वा सं १ ला ३ है ४ ॥ ६. इयंमं च णं ला२ । अत्र 'य' कारस्योपरि बिन्दुः अनुस्वाररूपः पाठ निराकरणचिह्नं वेति स्पष्टं निर्णेतुं न शक्यते ॥ ईदृशः 'इमं च णं' इति शब्दप्रयोगः चतुर्दशेऽध्ययने ९६ तमे सूत्रेऽपि वर्तते ।। ७. आढाति जाव तुलि' सं १ हे ४ | आढाति नो परिजाणइ जासिला ३ ॥ ८. निविसेह जे १॥ ९. जाव जे १ विनानास्ति । ओहतमणसंकप्पा करतलपल्हत्थमुद्दा भट्टज्झाणोवगया झिया यह इति संपूर्णः पाठः, दृश्यतां पृ० २४ पं० ८ ।। १०. झियाह १ ॥ ११. दृश्यतां पृ० १७४ पं० १३ ॥ १२. हं ते पुत्ता जे १ ॥ १३. अब्भंतराणि जे १ ॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |