________________
१७०
णायाधम्मकहंगसुते पढमे सुयक्खंधे
[सू -७४
पभावतीए देवीए अत्तएणं मल्लदिनेणं कुमारेणं निव्विसए आणते समाणे इहं हव्वमागए, तं इच्छामि णं सामी ! तुब्भं बाहुच्छायापरिग्गहिए जाव परिवसित्तए । तते णं से अदीणसत्तू राया तं चित्तगरदारयं एवं वदासी - किण्णं तुमं देवाणुप्पिया ! मलदिण्णेणं निव्विसए आणत्ते १ तए णं से चित्त [यरदार] अदीसंत्तुं रायं एवं वदासी - एवं खलु सामी ! मल्लदिन्ने कुमारे अण्णया कयाइ चित्तगरसेणिं सद्दावेइ, २ एवं वयासी – तुब्भे णं देवाणुप्पिया ! मम चित्तसमं तं चैव सव्वं भाणितव्वं - - जाव मम संडासगं छिंदावेइ, २ निव्विसयं आणवेइ । तं एवं खलु अहं सामी ! मल्लदिन्नेणं कुमारेणं निव्विसए आणत्ते ।
तते णं अदीणसत्तू राया तं चिंत्तगरं एवं वदासी - " से केरिसए णं देवाणुप्पिया ! १० तुमे मल्लीए तैदाणुरूवे रूवे निव्वत्तिए ? तते णं से चित्तकरे कक्खंतराओ चित्तफलयं णीणेति, २ अदीणसत्तुस्स उवणेइ, २ एवं वयासी - एस णं सामी ! मल्लीए वि[देहरायवर कणगाए ] तयाणुरुवस्स रूवस्स केइ आगारभावपडोयारे निव्वत्तिए, णो खलु सक्का केणइ देवेण वा जाव मल्लीए विदेहरायवर कण्णगाए तयाणुरूवे रूवे निव्वत्तित्तए । तते णं अदीणसत्तू पडिरूवजणितहासे दूयं सहावेति, १५ २ एवं वदासी - तव जाव पहारेत्थ गमणाए ।
७४. ते णं काले णं ते णं समए णं पंचाले जणवए, कंपिल्लपुरे नगरे, जियसत्तू नाम राया पंचालाहिपती, तस्स णं जितसत्तुस्स धारिणीपामोक्खं देविसहस्सं ओरोहे होत्था ।
तत्थ णं मिहिलाए चोक्खा नामं परिव्वाइया रिव्वेद जाव परिणिट्ठिया यावि २० होत्या । तते णं सा चोक्खा परिव्वाइया मिहिलाए बहूणं राईसर जाव सत्थवाहपभितीणं पुरतो दाणधम्मं च सोयधम्मं च तित्थाभिसेयं च औघवेमाणी पण्णवेमाणी परूवेमाणी उत्रइंसेमाणी विहरति ।
तते णं सा चोक्खा परिव्वाइया अन्नदा कँदाइ तिदंडं च 'कुंडियं च जाव
१. सतरा हे १ ॥ २. अहं नास्ति हे १ ॥ ३ चित्तगारं हे २ । ४. से नास्ति हे १, २ ॥ ५. तहाणु हे २, ३, जे १ ॥ ६. पाहा जे १ विना ॥ ७. ओरोहो हत्था जे १ ॥ ८, १०. परिवा जे १ ॥ ९. रिउब्वेद जे १ ॥ ११. इप्प जे १ ॥ १२. आघवेमाणी ४ उवदंसे विहरइ जे १ ॥ १३. उवदिसेमाणी हे १ । उवदिवसेमाणा ला १ । उवदंसेमाणी नास्ति हे २ | उवदंसेमाणी जाव हे ४ ॥ १४. क्याईं जे १ । कयाई सं १ ला २, ३, हे४ ॥ १५. कुंडलियं हे १ ला ३ ॥
Jain Education International
For Private & Personal Use Only
www.jainelibrary.org
