Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 257

णायाधम्मकहंगसुत्ते पढमे सुयक्वंधे [सू० ४२धम्मो कहितो। तते णं तस्स धणस्स सत्थवाहस्स बहुजणस्स अंतिए एतमटुं सोचा णिसम्म इमेतारूवे अज्झथिए जाव समुप्पन्जित्था एवं खलु भगवंतो जातिसंपन्ना इहमागया, इह संपत्ता, तं इच्छामि णं थेरे भगवंते वंदामि, नमसामि।
पहाते जाव सुद्धप्पावेसातिं मंगलाई वत्थाई पवर परिहिए पायविहारचारेणं जेणेव ५ गुणसिले चेतिए जेणेव थेरा भगवंतो तेणेव उवागच्छति, २त्ता वंदति नमसति।
तते णं थेरा भगवंतो धणस्स विचित्तं धम्ममातिक्खंति। तते णं से धणे सत्थवाहे धम्मं सोचा एवं वदासी-सदहामि णं भंते! 'निग्गंथं पावयणं जाव पव्वतिते जाव बहूणि वासाणि सामण्णपरियागं पाउणित्ता, भत्तं पंचक्खातित्ता, मासियाए
संलेहणाए सर्टि भताई अणसणाए छेदेता, कालमासे कालं किचा सोहम्मे कप्पे १० देवताए उववन्ने। तत्थ णं अत्थेगतियाणं देवाणं चत्तारि पलिओवमाई ठिती
पन्नता । तत्थं णं धणस्स वि देवस्स चत्तारि पलिओवमाइं ठिती पण्णता। से" णं धणे देवे ताओ देवलोगाओ आउक्खएणं "ठितिक्खएणं भवक्खएणं अणंतरं चयं चइता महाविदेहे वासे "सिज्झिहिति बुझिहिति सव्वदुक्खाणमंतं करेहिति ।
४३. जहा णं जंबू! धणेणं सत्यवाहेणं नो धम्मो ति वा जाव विजयस्स तक्करस्स तातो विपुलातो असण ४ संविभागे कए, नन्नत्थ सरीरसारक्खणट्ठाए, एवामेव जंबू ! जे णं अहं निग्गंथे वा निग्गंथी वा जाव पव्वतिए समाणे ववगयपहाणुंम्मदण-पुप्फ-गंध-मल्लालंकारविभूसे इमस्स ओरालियस्स सरीरस्स नो वण्णहेउं वा रूवहेउं वा विसयहेउं वा तं विउलं असणं ४ आहारमाहारेति, नन्नत्थ णाणदंसणचरित्ताणं वहणट्ठयाए, से णं इहलोए चेव बहणं समणाणं समणीणं सावगाण य साविगाण य अचणिजे जाव पज्जुवासणिज्जे भवति, परलोए वि य णं नो बहूणि हत्थच्छेयणाणि य कण्णच्छेयणाणि य नासाच्छेयणाणि य एवं
२०
१. पवेसाई जे१। पावेस्सातिं हे १, ३, ४ सं १ ख १ ला १, २। पावेसाई हे २॥ २. मंगलाई जे १ ला१॥३. भगवंतो नास्ति जे १ विना॥ १. भंते जे १ मु० विना नास्ति । ५. निग्गंथे पावयणे खं१ हे १, ४ ला१॥ ६. पवइत्तए जे१॥ ७. पचाइक्खित्ता खं१। पसक्खाति । त्ता हे२। ८. छेरहत्ता हे २ विना। छेइत्ताई जे १। छेदेइ २ ता मु०॥ ९. तस्स णं जे १॥ १०.वि हे २ विना नास्ति ॥ ११. से धगं धणे गं देवे जे १॥ १२. ईख जे१। ठितीक्ख' हे २॥ १३. प्रतिषु पाठा:-सिज्झिाहिई बुझिहित्ति सव्व जे १। सिज्झिहिति सव्व जे १ विना । पिल्झिहिति जाव सम्व मु० दृश्यतां पृ० ७६ पं० १९ ॥ १४. धम्मो ति . ला२,३ ॥१५. तो हे २ जे १ विना ॥ १६. सरीररक्ख सं १ ला ४ हे ३॥ १७. हाणुमद्द हे १, ३, ४ ला १ विना ।। १८. यसरीरस्स हे १ ला ३ विना ॥ १९, असण हे २ ख १ ला ३॥ २०. वहणयाए हे १ ला १॥