Page Text
________________
४८
णायाधम्मकहंगसुत्ते पढमे सुयक्खंधे [सू० २४णो य खलु कप्पति जाया ! समणाणं निग्गंथाणं आहाकम्भिए वा उद्देसिए वा कीयगडे वा ठेविए वा रइयए वा दुभिक्खभत्ते वा कंतारभत्ते वा वद्दलियाभत्ते वा गिलाणभत्ते वा मूलभोयणे वा कंदभोयणे वा फलभोयणे वा बीयभोयणे वा हरियभोयणे वा भोत्तए वा पायए वा, तुमं च णं जाया ! सुहसमुचिएँ, णो चेव णं दुहसमुचिए, णालं सीयं, णालं उण्हं, णालं खुहं, णालं पिवासं, णालं वातिय-पित्तिय-सिंभिय-सन्निवाइय विविहे रोगायके उच्चावए गामकंटए, बावीसं परीसहोवसग्गे उदिण्णे सम्मं अहियासित्तए । भुंजाहि ताव जाया ! माणुस्सए कामभोगे, ततो पच्छा भुत्तभोगी समणस्स जाव पव्वतिस्ससि । · तते णं से मेहे कुमारे अम्मापिऊहिं एवं वुत्ते समाणे अम्मापितरं एवं वदासीतहेव णं तं अम्मतातो ! जण्णं तुब्भे ममं एवं वदह 'एस णं जाया ! निग्गंथे पावयणे सच्चे अणुत्तरे' पुणरवि तं चेव जाव 'तओ पच्छा भुत्तभोगी समणस्स । जाव पव्वतिस्ससि । एवं खलु अम्मयाओ ! णिग्गंथे पावयणे कीवाणं कायराणं कापुरिसाणं इहलोगपडिबद्धाणं परलोगनिप्पिवासाणं, दुरणुचरे पागयजणस्स, णो
चेव णं धीरस्स, निच्छियववसियस्स एत्थ किं दुक्करं करणयाए ?, तं इच्छामि णं १५ अम्मताओ ! तुन्भेहिं अब्भणुण्णाए सेमाणे समणस्स भगवओ० पव्वइत्तए ।
२४. तते णं तं "मेहं कुमारं अम्मापियरो जाहे नो संचाएंति बहूहिं विसया[लोमाहिं य विसयपडिकूलाहिं य आघवणाहिं य पण्णवणाहिं य सण्णवणाहिं य विण्णवणाहिं य आघवित्तए वा पण्णवित्तए वा सण्णवित्तए वा विण्णवित्तए
वा ताहे अकामकाई चेव मेहं कुमारं एवं वदासी-इच्छामो ताव जाया ! २. एगदिवसमवि ते रायसिरिं पासित्तए । तते णं से “मेहे कुमारे अम्मापितरमणुवत्तमाणे तुसिणीए संचिट्ठति।
तते णं से सेणिए राया कोटुंबियपुरिसे सहावेति, कोटुंबियपुरिसे सद्दावित्ता
१. णो खलु सं १ ला३ जे१। “णो य कप्पइ इत्यादि"-अटी०॥ २, ठवियए हे १ ला १।। ३. रइए ला३। “रइयए व त्ति औद्देशिकभेदः, तच मोदकचूर्णादि पुनर्मोदकतया रचितं भक्तमिति गम्यते"-अटी०॥ ४-५. 'चिए जे १ सं१ ला ३॥ ६. रोयायंके हे १ सं १ ला ३ ॥ ७. वयासि तहेव णं अम्म जे १॥ ८. किंचि दुक्करं हे १ ला३ ॥ ९. समाणे नास्ति हे २॥ १०. मेहकु' हे १॥ ११. °लोमेहिं हे २॥ १२. अकामगाई हे २॥ १३. वयासि जे१॥ १४. मेहकु सं १॥ १५. तए णं से गिए जे १॥ १६. सद्दावेइ कोटुं २त्ता जे१। सद्दावेति २त्ता जे १ विना ।।
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |