________________
सु०२७-४८] समोसरणगएसु जीवेसु आउयबंधपरूवणा
३५. एवं अन्नाणियवादी वि, वेणइयवादी वि ।
३६. सलेस्सा णं भंते ! जीवा किरियावादी किं नेरतियाउयं पकरेंति० पुच्छा। गोयमा ! नो नेरइयाउयं०, एवं जहेव जीवा तहेव सलेस्सा वि चउहि वि समोसरणेहिं भाणियव्वा ।
३७. कण्हलेस्सा णं भंते ! जीवा किरियावादी किं नेरइयाउयं पकरेंति० ५ पुच्छा। गोयमा ! नो नेरइयाउयं पकरेंति, नो तिरिक्खजोणियाउयं पकरेंति, मणुस्साउयं पकरेंति, नो देवाउयं पकरेंति ।
३८. अकिरिया-अन्नाणिय वेणइयवादी चत्तारि वि आउयाइं पकरेंति । ३९. एवं नीललेस्सा काउलेस्सा वि।
४०. [१] तेउलेस्सा णं भंते ! जीवा किरियावादी किं नेरइयाउयं १० पकरेंति० पुच्छा । गोयमा! नो नेरतियाउयं पकरेंति, नो तिरिक्खजोणि०, मणुस्साउयं पि पकरेंति, देवाउयं पि पकरेंति।
[२] जइ देवाउयं पकरेंति०, तहेव ।
४१. तेउलेस्सा णं भंते ! - जीवा अकिरियावादी किं नेरइयाउयं० पुच्छा। गोयमा! नो नेरतियाउयं पकरेंति, तिरिक्खजोणियाउयं पि पकरेंति, १५ मणुस्साउयं पि पकरेंति, देवाउयं पि परेंति।
४२. एवं अन्नाणियवाई वि, वेणइयवादी वि। ४३. जहा तेउलेस्सा एवं पम्हलेस्सा वि, सुक्कलेस्सा वि नेयव्वा।
४४. अलेस्सा णं भंते ! जीवा किरियावादी किं णेरतियाउयं० पुच्छा। गोयमा ! नो नेरतियाउयं पकरेंति, नो तिरि०, नो मणु०, नो देवाउयं पकरेंति। २०
४५. कण्हपक्खिया णं भंते ! जीवा अकिरियावाई किं नेरतियाउयं० पुच्छा। गोयमा! नेरइयाउयं पि पकरेंति, एवं चउव्विहं पि।
४६. एवं अण्णाणियवादी वि, वेणइयवादी वि। ४७.. सुक्कपक्खिया जहा सलेस्सा। ४८. सम्मपिट्ठी णं भंते ! जीवा किरियावाई किं नेरइयाउयं० पुच्छा। २५
Jain Education Interational
, For Private &Personal Use Only
www.jainelibrary.org
