________________
४८६ वियाहपण्णत्तिसुत्तं
[स० १० उ०१ [सु. ८-१७. जीवाजीवेहिं जीवाजीषदेस-पदेसेहि य दससु दिसासु पत्तव्यया]
८. इंदा णं भंते ! दिसा किं जीवा, जीवदेसा, जीवपदेसा, अजीवा, अजीवदेसा, अजीवपएसा १ गोयमा ! जीवा वि, तं चेव जाव अजीवपएसा वि ।
जे जीवा ते नियम एगिदिया, बेइंदिया जाव पंचिंदिया, अणिंदिया। जे जीवदेसा ५ ते नियम एगिदियदेसा जाव अणिंदियदेसा। जे जीवपएसा ते नियमं एगिदिय
पएसा जाव अणिंदियपएसा। जे अजीवा, ते दुविहा पण्णत्ता, तं जहा-रूविअजीवा य, अरूविअजीवा य । जे रूविअजीवा ते चउव्विहा पण्णत्ता, तं जहाखंधा १ खंधदेसा २ खंधपएसा ३ परमाणुपोग्गला ४। जे अरूविअजीवा ते
सत्तविहा पण्णता, तं जहा–नो धम्मत्थिकाये, धम्मत्थिकायस्स देसे १ धम्म१० स्थिकायस्स पदेसा २, नो अधम्मत्थिकाये, अधम्मत्थिकायस्स देसे ३ अधम्म
थिकायस्स पदेसा ४; नो आगासत्थिकाये, आगासत्थिकायस्स देसे ५ आगासत्थिकायस्स पदेसा ६ अद्धासमये ७।
९. अग्गेयी णं भंते ! दिसा किं जीवा, जीवदेसा, जीवपदेसा० पुच्छा । गोयमा ! णो जीवा, जीवदेसा वि, जीवपदेसा वि, अजीवा वि, अजीवदेसा वि, १५ अजीवपदेसा वि । जे जीवदेसा ते नियम एगिदियदेसा । अहवा एगिदियदेसा ये
बेइंदियस्स देसे १, अहवा एगिदियदेसा य बेइंदियस्स देसा २, अहवा एगिदियदेसा य बेइंदियाण य देसा ३। अहवा एगिदियदेसा य तेइंदियस्स देसे, एवं
चेव तियभंगो भाणियव्वो। एवं जाव अणिंदियाणं तियभंगो । जे जीवपदेसा ते निर्यमा एगिदियपदेसा। अहवा एगिंदियपदेसा यं बेइंदियस्स पदेसा, अहवा एगिदियपदेसा य बेइंदियाण य पएसा । एवं आदिल्लविरहिओ जाव अणिंदियाणं । जे अजीवा ते दुविहा पण्णता, तं जहा-रूविअजीवा य अरूविअजीवा य। जे रूविअजीवा ते चउव्विहा पण्णत्ता, तं जहा-खंधा जोव परमाणुपोग्गला ४। जे अरूविअजीवा ते सत्तविधा पण्णत्ता, तं जहा–नो धम्मस्थिकाये, धम्मत्थि
कायस्स देसे १ धम्मत्थि कायस्स पदेसा २; एवं अधम्मत्थिकायस्स वि ३-४, २५ एवं आगासत्थिकायस्स वि जाव आगासत्थिकायस्स पदेसा ५-६, अद्धासमये ७॥
१. णितमं ला १। नियमा मु०॥ २. ॲदिया जे०॥ ३. णियमा ला ४ मु०॥ ४. नियमा जे. विना॥ ५. यदि जे० ला १। य बेतिंदिला ४॥ ६. यदि जे. ला १॥ ७. य तेंदि° जे० ला १॥ ८. नियम ला १॥ ९. 'जाव' पदेन 'खंधदेसा, खंधपएसा' इति पदद्वयं योज्यम् ॥ १०. °मए २ । विदिसासु नस्थि जीवा देसे भंगो य होइ सम्वत्थ। जम्मा गं मु० ॥
Jain Education International
For Private & Personal Use Only
www.jainelibrary.org
