________________
९८२
वियाहपण्णत्तिसुत्तं [स०२५ उ०३ ५५. आयते णं भंते० ! पुच्छा। गोयमा ! सिय कडजुम्मपएसोगाढे जाव सिय कलियोगपएसोगाढे ।
५६. परिमंडला णं भंते ! संठाणा किं कडजुम्मपएसोगाढा, तेयोगपएसोगाढा० पुच्छा । गोयमा ! ओघादेसेण वि विहाणादेसेण वि कडजुम्मपएसोगाढा, ५ नो तेयोगपदेसोगाढा, नो दावरजुम्मपदेसोगाढा, नो कलियोगपदेसोगाढा ।
५७. वट्टा णं भंते ! संठाणा किं कडजुम्मपएसोगाढा० पुच्छा । गोयमा ! ओघाएसेणं कडजुम्मपएसोगाढा, नो तेयोगपदेसोगाढा, नो दावरजुम्मपदेसोगाढा, नो कलियोगपएसोगाढा; विहाणादेसेणं कडजुम्मपदेसोगाढा वि तेयोगपएसोगाढा वि, नो दावरजुम्मपएसोगाढा, कलियोगपएसोगाढा वि।
५८. तंसा णं भंते ! संठाणा किं कडजुम्म० पुच्छा । गोयमा ! ओघादेसेणं कडजुम्मपएसोगाढा, नो तेयोगपदेसोगाढा, नो दावरजुम्मपदेसोगाढा, नो कलियोगपएसोगाढा; विहाणादेसेणं कडजुम्मपदेसोगाढा वि, तेयोगपएसोगाढा वि, नो दावरजुम्मपएसोगांढा, कलियोगपएसोगाढा वि ।
५९. चउरंसा जहा वट्टा।
६०. आयता णं भंते ! संठाणा० पुच्छा। गोयमा ! ओघादेसेणं कडजुम्मपदेसोगाढा, नो तेयोगपदेसोगाढा, नो दावरजुम्मपदेसोगाढा, नो कलिओगपदेसोगाढा; विहाणादेसेणं कडजुम्मपदेसोगाढा वि जाव कलियोगपएसोगाढा वि। [सु. ६१-६४. एगत्त-पुहत्तेहिं पंचसु संठाणेसु कड जुम्माइसमयट्ठितियत्त
परूवर्ण] ६१. परिमंडले णं भंते ! संठाणे किं कडजुम्मसमयद्वितीए, तेयोगसमयद्वितीए, दावरजुम्मसमयद्वितीए, कलियोगसमयद्वितीए ? गोयमा ! सिय कडजुम्मसमयद्वितीए जाव सिय कलियोगसमयट्टितीए।
६२. एवं जाव आयते।
१. गाढा, नो कलि° मु०॥ २. “परिमण्डलेन संस्थानेन परिणताः स्कन्धाः कियन्तं कालं तिष्ठन्ति ? किं चतुष्कापहारेण तत्कालस्य समयाः चतुरमा भवन्ति, त्रि-द्वि-एकामा वा? उच्यते-सर्वे सम्भवन्तीति" अवृ०॥
Jain Education International
For Private & Personal Use Only
www.jainelibrary.org
