________________
९८०
वियाहपण्णत्तिसुत्तं [स० २५ उ०३ पन्नते, तंजहा-ओयपएसिए य, जुम्मपएसिए य। तत्थ णं जे से ओयपएसिए से जहन्नेणं सत्तावीसतिपएसिए, सत्तावीसतिपएसोगाढे, उक्कोसेणं अणंतपएसिए, तहेव। तत्थ णं जे से जुम्मपएसिए से जहन्नेणं अट्ठपएसिए, अट्ठपएसोगाढे पन्नत्ते; उक्कोसेणं अणंतपएसिए, तहेव।
४० आयते णं भंते ! संठाणे कतिपएसिए कतिपदेसोगाढे पन्नत्ते १ गोयमा ! आयते णं संठाणे तिविधे पन्नत्ते, तं जहा-सेढिआयते, पयरायते, घणायते। तत्थ णं जे से सेढिआयते से दुविहे पन्नत्ते, तं जहा-ओयपदेसिए य जुम्मपएसिए य। तत्थ णं जे से ओयपएसिए से जहन्नेणं तिपएसिए, तिपएसोगाढे, उक्कोसेणं
अणंतपएसिए, तं चेव। तत्थ णं जे से जुम्मपएसिए से जहन्नेणं दुपएसिए १० दुपएसोगाढे उक्कोसेणं अणंत० तहेव। तत्थ णं जे से पयरायते से दुविहे पन्नत्ते,
तं जहा-ओयपएसिए य, जुम्मपएसिए य। तत्थ णं जे से ओयपएसिए से जहन्नेणं पन्नरसपएसिए, पन्नरसपएसोगाढे; उक्कोसेणं अणंत० तहेव। तत्थ णं जे से जुम्मपएसिए से जहन्नेणं छप्पएसिए, छप्पएसोगाढे, उक्कोसेणं अणंत० तहेव । तत्य णं जे से घणायते से दुविधे पन्नत्ते, तं जहा-ओयपएसिए य, जुम्मपएसिए य। तत्थ णं जे से ओयपएसिए से जहन्नेणं पणयालीसपदेसिए पणयालीसपदेसोगाढे पन्नते; उक्कोसेणं अणंत० तहेव। तत्थ णं जे से जुम्मपएसिए से जहन्नेणं बारसपएसिए बारसपएसोगाढे; उक्कोसेणं अणंत० तहेव।
४१. परिमंडले णं भंते ! संठाणे कतिपएसिए० पुच्छा। गोयमा ! परिमंडले णं संठाणे विहे पन्नत्ते, तं जहा–घणपरिमंडले य पयरपरिमंडले य। २० तत्थ णं जे से पयरपरिमंडले से जहन्नेणं वीसतिपएसिए वीसतिपएसोगाढे;
उक्कोसेणं अणंतपए० तहेव । तत्थ णं जे से घणपरिमंडले से जहन्नेणं चत्तालीसतिपएसिए, चत्तालीसतिपएसोगाढे पन्नत्ते; उक्कोसेणं अणंतपएसिए, असंखेजपएसोगाढे पन्नत्ते। [सु. ४२-५०. पंचसु संठाणेसु एगत्त-पुहत्तेहिं दव्वट्ठयं पएसट्टयं च पडुच्च
कडजुम्माइनिरूपणं] ४२. परिमंडले णं भंते ! संठाणे दव्वट्ठताए किं कडजुम्मे, तेयोए, दांवरजुम्मे, कलियोए ? गोयमा ! नो कडजुम्मे, णो तेयोए, णो दावरजुम्मे, कलियोए। १. वायरजु जे०। बादरजु ला १ ला ४, एवमग्रे प्रायः सर्वत्रायं पाठभेदो वर्तते॥
५
Jain Education International
For Private & Personal Use Only
www.jainelibrary.org
