________________
सु०७, १, १-१०, १-३] दवेसु भवण-विमाणसंखापरूवणाइ
८४५ ४. केवतिया णं भंते ! वाणमंतरभोमेजनगरावाससयसहस्सा पन्नत्ता ? गोयमा ! असंखेज्जा वाणमंतरभोमेजनगरावाससयसहस्सा पन्नत्ता।
५. ते णं भंते ! किंमया पन्नत्ता १ सेसं तं चेव।
६. केवतिया णं भंते ! जोतिसियविमाणावाससयसहस्सा० पुच्छा। गोयमा ! असंखेजा जोतिसियविमाणावाससयसहस्सा पण्णत्ता।
७. ते णं भंते ! किंमया पन्नत्ता ? गोयमा ! सव्वफालिहामया अच्छा, सेसं तं चेव।
८. सोहम्मे णं भंते ! कप्पे केवतिया विमाणावाससयसहस्सा पन्नत्ता ? गोयमा ! बत्तीसं विमाणावाससयसहस्सा० ।
९. ते णं भंते ! किंमया पन्नत्ता ? गोयमा ! सव्वरयणामया अच्छा, सेसं १० तं चेव।
१०. एवं जाव अणुतरविमाणा, नवरं जाणियव्वा जत्तिया भवणा विमाणा वा।
सेवं भंते ! सेवं भंते ! ति।
[अट्ठमो उद्देसओ 'निव्वत्ति']
[सु. १-४. जीवनिव्वत्तीए भेय-पभेया] १. कतिविधा णं भंते ! जीवनिव्वत्ती पन्नत्ता १ गोयमा ! पंचविहा जीवनिव्वत्ती पन्नता, तं जहा—एगिदियजीवनिव्वत्ती जाव पंचिंदियजीवनिव्वत्ती।
२. एगिदियजीवनिव्वत्ती णं भंते ! कतिविधा पन्नत्ता १ गोयमा ! २० पंचविधा पन्नत्ता, तं जहा-पुढविकाइयएगिदियजीवनिव्वत्ती जाव वणस्सइकाइयएगिदियजीवनिव्वत्ती।
३. पुढविकाइयएगिदियजीवनिव्वत्ती णं भंते ! कतिविधा पन्नत्ता ? गोयमा ! दुविहा पन्नता, तं जहा-सुहुंमपुढविकाइयएगिदियजीवनिव्वत्ती य बायरपुढवि०॥
Jain Education International
For Private & Personal Use Only
www.jainelibrary.org ..
