________________
७८२
वियाहपण्णत्तिसुत्तं [स० १७ उ० ३ [सु. ११. चलणाए सरीर-इंदिय-जोगचलणारूवं भेयतिगं]
११. कतिविहा णं भंते ! चलणा पन्नत्ता ? गोयमा ! तिविहा चलणा पन्नत्ता, तं जहा—सरीरचलणा इंदियचलणा जोगचलणा। [सु. १२-१४. सरीर-इंदिय-जोगचलणाणं कमेणं पंच पंच तिणि भेया]
१२. सरीरचलणा णं भंते! कतिविहा पन्नत्ता? गोयमा! पंचविहा पन्नत्ता, तं जहा-ओरालियसरीरचलणा जाव कम्मगसरीरचलणा।
१३. इंदियचलणा णं भंते! कतिविहा पन्नत्ता १ गोयमा! पंचविहा पन्नत्ता, तं जहा-सोर्तिदियचलणा जाव फासिंदियचलणा।।
१४. जोगचलणा णं भंते! कतिविहा पन्नत्ता ? गोयमा ! तिविहा १० पन्नत्ता, तं जहा—मणजोगचलणा वेइजोगचलणा कायजोगचलणा।
[सु. १५-१७. ओरालियाइपंचसरीरचलणाणं सरूवं]
१५. से केणतुणं भंते! एवं वुच्चइ–ओरालियसरीरचलणा, ओरालियसरीरचलणा? गोयमा! जंणं जीवा ओरालियसरीरे वट्टमाणा ओरालियसरीरपायोग्गाइं दव्वाइं ओरालियसरीरत्ताए परिणामेमाणा ओरालियसरीरचलणं चलिंसु वा, चलंति वा, चलिस्संति वा, सेतेणटेणं जाव ओरालियसरीरचलणा, ओरालियसरीरचलणा।
१६. से केणटेणं भंते! एवं वुच्चइ-वेउब्वियसरीरचलणा, वेउन्वियसरीरचलणा? एवं चेव, नवरं वेउब्वियसरीरे वट्टमाणा।
१७. एवं जाव कम्मगसरीरचलणा। २० [सु. १८-१९. सोतिदियाइपंचईदियचलणाणं सरूवं]
१८. से केणद्वेणं भंते ! एवं वुच्चइ-सोर्तिदियचलणा, सोर्तिदियचलणा? गोयमा ! जं णं जीवा सोर्तिदिए वट्टमाणा सोर्तिदियपायोग्गाइं दव्वाइं सोतिंदियत्ताए परिणामेमाणा सोतिंदियचलणं चलिंसु वा, चलंति वा, चलिस्संति
वा, सेतेणद्वेणं जाव सोतिंदियचलणा, सोतिंदियचलणा। २५ १९. एवं जाव फासिंदियचलणा।
१.वयजो° ला ४॥
Jain Education International
For Private & Personal Use Only
www.jainelibrary.org
