________________
७५५
सु०७, १-६] महिड्ढियदेवविसया विविहा परूवणा छट्ठसए (स० ६ उ०१ सु० ४) तहा अयोकवल्ले वि जाव महापज्जवसाणा भवंति। सेतेणद्वेणं गोयमा ! एवं वुचइ 'जावतियं अन्नइलायए समणे निग्गंथे कम्मं निजरेइ० तं चेव जाव वासकोडाकोडीए वा नो खवयंति'।" सेवं भंते ! सेवं भंते ! जाव विहरइ ।
॥ १६.४ ॥
[पंचमो उद्देसओ 'गंगदत्त'] [सु. १-२. भगवओ उल्लुयतीरनगरएगजंबुयचेइए समागमणं]
१. तेणं कालेणं तेणं समएणं उल्लुयतीरे नामं नगरे होत्था । वण्णओ। एगजंबुए चेइए । वण्णओ।
२. तेणं कालेणं तेणं समएणं सामी समोसढे जाव परिसा पजुवासति। १० [सु. ३-७. सक्कस्स भगवओ समीवमागमणं, महिड्डियदेवं पडुच्च सक्कपुच्छाए बाहिरयपोग्गलपरियादाणेण आगमण-गमण-भासणाइपरूवणं,
सकस्स य पडिगमणं] ३. तेणं कालेणं तेणं समएणं सके देविंदे देवराया वज्जपाणी एवं जहेव वितियउद्देसए (सु. ८) तहेव दिव्वेणं जाणविमाणेणं आगतो जाव जेणेव समणे १५ भगवं महावीरे तेणेव उवागच्छइ, २ ता जाव नमंसित्ता एवं वदासि
४. देवे णं भंते! महिडीए जाव महेसक्खे बाहिरए पोग्गले अपरियादिइत्ता पभू आगमित्तए ? नो इणढे समढे।
५. देवे णं भंते ! महिडीए जाव महेसक्खे बाहिरए पोग्गले परियादिइत्ता पभू आगमित्तए ? हंता, पभू ।
६. देवे णं भंते! महिड्डीए एवं एतेणं अभिलावेणं गमित्तए १ । एवं भासित्तए वा २, विआगरित्तए वा ३, उम्मिसावेत्तए वा निमिसावेत्तए वा ४, आउंटावेत्तए वा पसारेत्तए वा ५, ठाणं वा सेजं वा निसीहियं वा चेइत्तए वा ६, एवं विउवित्तए वा ७, एवं परियारेत्तए वा ८१ जाव हंता, पभू। १. अन्नगिला' ला ४ ॥
Jain Education International
For Private & Personal Use Only
www.jainelibrary.org
