________________
७२६
वियाहपण्णत्तिसुत्तं
[स० १५ सव्वदुक्खप्पहीणे' । इडिसक्कारसमुदएणं ममं सरीरगस्स णीहरणं करेह'। तए णं ते आजीविया थेरा गोसालस्स मंखलिपुत्तस्स एतमढें विणएणं पडिसुणेति ।
५
[सु. १०९. लद्धसम्मत्तस्स गोसालस्स नियसिस्साणं पइ नियअवहेलणापुवं
मरणाणंतरविहाणादेसो] १०९. तए णं तस्स गोसालस्स मंखलिपुत्तस्स सत्तरत्तंसि परिणममाणसि पडिलद्धसम्मत्तस्स अयमेयारूवे अज्झथिए जाव समुप्पजित्था—णो खलु अहं जिणे जिणप्पलावी जाव जिणसई पगासेमाणे विहरिए, अहं णं गोसाले चेव मंखलिपुत्ते समणघातए समणमारए समणपडिणीए, आयरिय-उवज्झायाणं अयसकारए अवण्णकारए अकित्तिकारए बहूर्हि असब्भावुब्भावणाहिं मिच्छत्ता भिनिवेसेहि य अप्पाणं वा परं वा तदुभयं वा बुग्गाहेमाणे वुप्पाएमाणे विहरित्ता सएणं तेएणं अन्नाइटे समाणे अंतोसत्तरत्तस्स पित्तज्जरपरिगयसरीरे दाहवकंतीए छउमत्थे चेव कालं करेस्सं, समणे भगवं महावीरे जिणे जिणप्पलावी जाव जिणसई पगासेमाणे विहरति । एवं संपेहेति, एवं सं० २ आजीविए थेरे सद्दावेइ, आ० स०२ उच्चावयसवहसाविए करेति, उच्चा० क० २ एवं वदासि“नो खलु अहं जिणे जिणप्पलावी जाव पकासेमाणे विहरिए, अहं णं गोसाले चेव मंखलिपुत्ते समणघातए जाव छउमत्थे चेव कालं करेस्सं, समणे भगवं महावीरे जिणे जिणप्पलावी जाव जिणसई पगासेमाणे विहरति। तं तुब्भे णं देवाणुप्पिया! ममं कालगयं जाणित्ता वामे पाए सुंबेणं बंधह, वामे० बं०२ तिक्खुत्तो मुहे उद्दुभह, ति० उ० २ सावत्थीए नगरीए सिंघाडग० जाव पहेसु
आँकडविकड्ढि करेमाणा महया महया सद्देणं उग्घोसेमाणा उग्घोसेमाणा एवं वदह–'नो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए, एस णं गोसाले चेव मंखलिपुत्ते समणघायए जाव छउमत्थे चेव कालगते, समणे भगवं महावीरे जिणे जिणप्पलावी जाव विहरति।' महता अणिढिसकारसमुदएणं ममं सरीरगस्स नीहरणं करेजाह"। एवं वदित्ता कालगए।
१. “ सुंबेणं ति वल्करज्ज्वा " अवृ०॥ २. " उट्टभह त्ति अवष्टीव्यत-निष्ठीव्यत। क्वचित् 'उच्छुभह' त्ति दृश्यते, तत्र चापसदं किञ्चित् क्षिपतेत्यर्थः" अवृ०, अत्र मुद्रिताभयदेवीयवृत्ती 'अपसदं' स्थाने 'अपशब्दं' इत्यस्ति ॥ ३. “आकर्षविकर्षिम्" अवृ०, “विकर्षिकाम्' अमु०। आकविकटिं मु० । भाकट्टविकहिं अमु०॥
Jain Education International
For Private & Personal Use Only
www.jainelibrary.org
