________________
७०७
सु० ६५] गोसालगपरूवणे अत्थलोभिवणियदिटुंतो __“तए णं ते वणिया अन्नमन्नस्स अंतियं एतमढे पडिस्सुणेति, अन्न० प० २ तस्स वम्मीयस्स पढमं वपुं भिंदंति, ते णं तत्थ अच्छं पत्थं जच्चं तणुयं फालियवण्णाभं ओरालं उदगरयणं आसादेंति।
"तए णं ते वणिया हट्टतुट्ठ० पाणियं पिबंति, पा० पि०२ वाहणाइं पन्जेंति, वा० प० २ भायणाई भरेंति, भा० भ० २ दोचं पि अन्नमन्नं एवं वदासी–एवं ५ खलु देवाणुप्पिया! अम्हेहिं इमस्स वम्मीयस्स पढमाए वपूए भिन्नाए ओराले उदगरयणे अस्सादिए, तं सेयं खलु देवाणुप्पिया! अम्हं इमस्स वम्मीयस्स दोचं पि वपुं मिंदित्तए, अवि याँ इंथ ओरालं सुवण्णरयणं अस्सादेस्सामो।
"तए णं ते वणिया अन्नमन्नस्स अंतियं एयमढे पडिस्सुणेति, अन्न० प० २ तस्स वम्मीयस्स दोचं पि वपुं भिंदति । ते णं तत्थ अच्छं जच्चं तावणिज्जं महत्थं १० महग्यं महरिहं ओरालं सुवण्णरयणं अस्सादेति ।
“तए णं ते वणिया हट्टतुट्ठ० भायणाई भरेंति, भा० भ० २ पवहणाई भरेंति, प० भ० २ तचं पि अन्नमन्नं एवं वदासि—एवं खलु देवाणुप्पिया ! अम्हे इमस्स वम्मीयस्स पढमाए वपूए भिन्नाए ओराले उदगरयणे अस्सादिए, दोचाए वपूए भिन्नाए ओराले सुवण्णरयणे अस्सादिए तं सेयं खलु देवाणु-- १५ प्पिया ! अम्हं इमस्स वम्मीयस्स तचं पि वपुं भिंदित्तए, अवि या इंथ ओरालं मणिरयणं अस्सादेस्सामो ।
"तए णं ते वणिया अन्नमन्नस्स अंतियं एतमढें पडिसुणेति, अन्न० प०२ तस्स वम्मीयस्स तचं पि वपुं भिंदंति। ते णं तत्थ विमलं निम्मलं नित्तलं निक्कलं महत्थं महग्धं महरिहं ओरालं मणिरयणं अस्सादेति। २०
"तए णं ते वणिया हट्टतुट्ठ० भायणाइं भरेंति, भा० भ० २ पवहणाई भरेंति, प० भ० २ चउत्थं पि अन्नमन्नं एवं वदासी-एवं खलु देवाणुप्पिया ! अम्हे इमस्स वम्मीयस्स पढमाए वपूए भिन्नाए ओराले उदगरयणे अस्सादिए, दोचाए वैप्पूए भिन्नाए ओराले सुवण्णरयणे अस्सादिए, तचाए वपूए भिन्नाए
१. वप्पं जे० । वप्पि मु० ॥ २. “बलीवर्दादिवाहनानि पाययन्ति" भवृ०॥ ३. वप्पाए जे० । वप्पीए मु०॥ ४. याई एत्थ मु०।। ५. वप्पूए ला ४ । वप्पाए जे०॥ ६. वप्पं जे०। वप्पिं मु०॥ ७. याई एस्थ मु०॥ ८. “नित्तलं ति निस्तलम् , अतिवृत्तमित्यर्थः। निक्कलं ति निष्कलं-त्रासादिरत्नदोषरहितम्" अवृ०॥ ९. वप्पाए जे० मु०॥ १०. वप्पाए जे० मु०। वपूए ला १॥
Jain Education International
For Private & Personal Use Only
www.jainelibrary.org
