Page Text
________________
सु० ५४-५६ ]
भगवंतपरुवियतेय लेस्सासरूवाइ
मीसले मंखलिपुत्ते ममं एवं वदासि – “ तुब्भे णं भंते! तदा ममं एवं आइक्खह जाव परूवेह- -' गोसाला ! एस णं तिलथंभए निप्फज्जिस्सति, नो न निष्फ०, तं चैव जाव पच्चायाइस्संति' तं णं मिच्छा, इमं णं पञ्चक्खमेव दीसति ‘एस णं से तिलथंभए णो निप्फन्ने, अंनिप्फन्नमेव; ते य सत्त तिलपुष्फजीवा उद्दाइत्ता उद्दात्ता नो एयस्स चेव तिलथंभगस्स एगाए तिलसंगेलियाए सत्त तिला पच्चा - ५ याता । तए णं अहं गोयमा ! गोसालं मंखलिपुत्तं एवं वैदामि –“ तुमं णं गोसाला ! तदा ममं एवं आइक्खमाणस्स जाव परूवेमाणस्स एयमहं नो सद्दहसि, नो पत्तियसि, नो रोएसि, एयमट्ठे असद्दहमाणे अपत्तियमाणे अरोएमाणे ममं पणिहाए 'अयं णं मिच्छावादी भवतु ' त्ति कट्टु ममं अंतियाओ सणियं सणियं पञ्चोक्कसि, प० २ जेणेव से तिलथंभए तेणेव उवागच्छसि, उ० २ जाव १० एगंतमंते एडेसि, तक्खणमेत्तं गोसाला ! दिव्वे अब्भवद्दलए पाउन्भूते । तए णं से दिव्वे अब्भवद्दलए खिप्पामेव०, तं चैव जाव तस्स चेव तिलथंभगस्स एगाए तिलसंर्गेलियाए सत्त तिला पच्चायाया । तं एस णं गोसाला ! से तिलथंभए निफन्ने, णो अनिष्फन्नमेव, ते य सत्त तिलपुप्फजीवा उद्दाइत्ता उदाइत्ता एयस्स चेव तिलथंभगस्स एगाए तिलसंर्गेलियाए सत्त तिला पच्चायाता । एवं खलु गोसाला ! १५ वैणस्सतिकाइया पउट्टपरिहारं परिहरंति " ।
५६. तए णं से गोसाले मंखलिपुत्ते ममं एवमाइक्खमाणस्स जाव परूवेमाणस्स एयमङ्कं नो सद्दहति ३ । एतम असद्दहमाणे जाव अरोयेमाणे जेणेव से तिलथंभए तेणेव उवागच्छति, उ० २ ततो तिलथंभयाओ तं तिलसंगैलियं खुंडति, खुडिता करतलंसि सत्त तिले पप्फोडेइ । तए णं तस्स २० गोसालस्स मंखलिपुत्तस्स ते सत्त तिले गणेमाणस्स अयमेयारूवे अज्झत्थिए जाव समुप्पज्जित्था - ' एवं खलु सव्वजीवा वि पउट्टपरिहारं परिहरंति' । एस णं गोयमा ! गोसालस्स मंखलिपुत्तस्स पँउट्टे । एस णं गोयमा ! गोसालस्स मंखलिपुत्तस्स ममं अंतियाओ आयाए अवक्कमणे पन्नत्ते ।
८८
१. " अनिफन्नमेव त्ति मकारस्य आगमिकत्वाद् अन्निष्पन्न एव इति " अ० ॥ २. संगुलि° मु० ॥ ३ वदासि जं० विना ॥ ४. संगुलि मु० ॥ ५. 'वणस्सइकाइया पउट्टपरिहारं परिहरंति त्ति परिवृत्य परिवृत्य - मृत्वा मृत्वा यः तस्यैव वनस्पतिशरीरस्य परिहारः - परिभोगः तत्रैव उत्पादः, असौ परिवृत्यपरिहारः, तं परिहरन्ति - कुर्वन्तीत्यर्थः " अवृ० ॥ ६. खुड्डति, खुड्डित्ता मु० ॥ ७. "पउट्टे त्ति परिवर्तः, परिवर्तवाद इत्यर्थः " अवक्रमणे ति आत्मना, आदाय वोपदेशम्, अपक्रमणम् - अपसरणम्” अवृ० ॥
अनु० ॥ ८.८८ 'आयाए
Jain Education International
७०३
For Private & Personal Use Only
www.jainelibrary.org
| SR No. | 001019 |
| Book Title | Agam 05 Ang 05 Bhagvati Vyakhya Prajnapti Sutra Part 02 |
| Original Sutra Author | N/A |
| Author | Bechardas Doshi, Amrutlal Bhojak |
| Publisher | Mahavir Jain Vidyalay |
| Publication Year | 1978 |
| Total Pages | 679 |
| Language | Prakrit |
| Classification | Book_Devnagari, Agam, Canon, Philosophy, & agam_bhagwati |
| File Size | 11 MB |